நல்ல சேதி!

குறைந்த செலவிலான ராக்கெட் எரிபொருள்

2008-06-16T17:59:00.000+05:30

கொச்சி : குறைந்த செலவிலான, ராக்கெட் எரிபொருள் தயாரிப்பதில் இஸ்ரோ விஞ்ஞானிகள் வெற்றி பெற்றுள்ளனர். ஒரு லிட்டர் பாட்டில் தண்ணீரைவிட, குறைவான செலவில் ராக்கெட் எரிபொருள் தயாரிக்கப்படுகிறது.ராக்கெட்டை விண்ணில் செலுத்துவதற்கு, திரவ நிலை எரிபொருளும், திட நிலை எரிபொருளும் பயன்படுத்தப்படுகின்றன.

கிரயோஜெனிக் எரிபொருள் இன்ஜின் வடிவமைப்பதில் இந்திய விண்வெளி ஆய்வுக் கழகம் (இஸ்ரோ) விஞ்ஞானிகள் தொடர்ந்து ஈடுபட்டு வருகின்றனர். இருப்பினும், பகுதி கிரயோஜெனிக் தொழில்நுட்பம், ராக்கெட் செலுத்துவதில் பெரும் பங்கு வகிக்கும் என்று கருதப்படுகிறது.இந்த எரிபொருள், மண்ணெண்ணெய் மற்றும் திரவநிலை ஆக்சிஜன் மூலம் உருவாக்கப்படுகிறது. கிரயோஜெனிக் இன்ஜின்களில் திரவநிலை ஹைட்ரஜன் மற்றும் திரவ நிலை ஆக்சிஜன் நிரப்பப்பட வேண்டும். திரவநிலை ஹைட்ரஜன் நிரப்புவது பெரும் சிரமமான காரியமாக உள்ளது.

இதற்கு பதிலாக, மண்ணெண்ணெய் மற்றும் திரவநிலை ஆக்சிஜன் மூலம் உருவாக்கப்படும் லாக்ஸ்-கெரசின் என்ற எரிபொருளை, இன்ஜினில் நிரப்புவதும் எளிது; செலவும் மிகக்குறைவு.மண்ணெண்ணெய் விலை ஒரு லிட்டர் 18 ரூபாய். திரவ நிலை ஆக்சிஜன் ஒரு லிட்டர் ஆறு ரூபாய். லாக்ஸ் - கெரசின் தயாரிக்க ஒரு லிட்டருக்கு 15 ரூபாய் மட்டுமே செலவு ஏற்படும். திட நிலை எரிபொருள் ஒரு கிலோவுக்கு 1,500 ரூபாய் செலவு ஏற்படுகிறது.லாக்ஸ் - கெரசின் எரிபொருள் தயாரிப்பதில் இஸ்ரோ விஞ்ஞானிகள் வெற்றி பெற்றிருந்தாலும், இதை மேலும் நுட்பமாக கையாள்வது குறித்து உக்ரைன் நாட்டு விஞ்ஞானிகளுடன் ஆலோசித்து வருகின்றனர்.

இத்திட்டத்தில் உக்ரைன் பங்குதாரராக இல்லாவிட்டாலும், பழைய சோவியத் ரஷ்யா கையாண்ட தொழில்நுட்ப முறைகள் குறித்து அறிந்து கொள்ளும் வகையில், இஸ்ரோ விஞ்ஞானிகள் ஆலோசித்து வருகின்றனர்.புதிய எரிபொருள் தயாரிப்பு முழு வெற்றி பெற் றால், ராக்கெட்டை விண்ணில் செலுத்தும் செலவு பெரிதும் குறையும். 2012ம் ஆண்டை இலக்காக வைத்து, மறுபயன்பாட்டுக்கு தயாரிக்கப்பட்டு வரும் ராக்கெட்டிலும், இதை பயன்படுத்த முடியும்.

கடற்பாசியில் இருந்து...

2008-06-16T17:58:00.000+05:30

-வாஷிங்டன்: வானிலை மாற்றத்துக்கு மட்டும் காரணமாக இல்லாமல், சுற்றுச்சூழலை பாதிக்காத "பயோ' எரிபொருள் உற்பத்தி செய்யவும் கடற்பாசி பயன்பட உள்ளது!காட்டாமணக்கு உட்பட, பல தாவரங்கள் மூலம் சுற்றுச்சூழலை பாதிக்காத வகையில் உள்ள இயற்கையான மாற்று எரிபொருள் உருவாக்கும் முயற்சியில் பல நாடுகள் இறங்கி உள்ளன. இந்தியாவும் இது போன்ற திட்டங்களில் இறங்கியுள்ளன. கோஸ்ட்டா ரிகா பல்கலைக்கழக விஞ்ஞானிகள் இப்போது, கடற்பாசியில் இருந்து மாற்று எரிபொருளை உற்பத்தி செய்ய முடியும் என்று கண்டுபிடித்துள்ளனர்.கடற்பாசி உற்பத்தி, கடந்த 1950 ல் இருந்து 60 மடங்கு பெருகியுள்ளது. ஆசிய, பசிபிக் கடலில் இருந்து தான் இதன் 91 சதவீத உற்பத்தி கிடைக்கிறது. ஆண்டுக்கு எட்டு கோடி டன் கடற்பாசி ஆண்டுதோறும் உற்பத்தி செய்யப்படுகிறது.

கடற்பாசியில் இருந்து மின்சாரம் தயாரிக்க முடியும் என்று ஏற்கனவே கண்டுபிடிக்கப்பட்டுள்ள நிலையில், "பயோ' எரிபொருள் தயாரிக்கலாம் என்று கண்டுபிடிக்கப்பட்டுள்ளது புது திருப்பத்தை ஏற்படுத்தும் என்று எதிர்பார்க்கப்படுகிறது.கடற்பாசி இப்போது உணவாக பயன்படுத்தப்பட்டு வருகிறது. பிராணிகளுக்கு இரையாகவும் , விவசாயத்துக்கு உரமாகவும் கூட பயன்படுத்தப் பட்டு வருகிறது.இதுகுறித்து நிபுணர்கள் கூறுகையில்," பல நாடுகளில் கடலில் கழிவுநீர் கலக்கப்படுகிறது. இதனால், சுற்றுச்சூழல் பாதிக்கப்பட்டு, கடல் வளம் குறைவதுடன் அதன் பயன்பாடும் பாதிக்கப்படுகிறது. அந்த வகையில் கடல் வளம் பாதிக்காத நிலையில் கடற்பாசியை வளர்த்து அதன் மூலம் எரிபொருளை உற்பத்தி செய்தால் எதிர்காலத்தில் எரிபொருள் பற்றாக்குறையை தீர்க்க முடியும். உலக வெப்பமயமாதலை குறைக்க முடியும்' என்று தெரிவித்தனர்.

தண்ணீரே தேவையில்லாத வாஷிங் மிஷின்

2008-06-16T17:49:00.001+05:30

இப்படியும் இருக்குமா என்ன? உண்மையான்னு பாக்கணும்!
உண்மைதான்http://tinyurl.com/6m5clzபாருங்க
-----------
11/6/2008
தண்ணீரே தேவையில்லாத வாஷிங் மிஷின் அறிமுகம்

லண்டன்:தண்ணீரே தேவைப்படாத வாஷிங் மிஷின்கள், பிரிட்டனில் விற்பனைக்கு கொண்டு வரப்பட்டுள்ளன. பிரிட்டன் மக்களிடம் சுற்றுச்சூழல் குறித்த விழிப்புணர்வு அதிகம். தற்போது பிரிட்டன்வாசிகள், சராசரியாக ஒரு நாளுக்கு 21 லிட்டர் தண்ணீரை, துணிகளை சலவை செய்வதற்கு பயன்படுத்தி வருகின்றனர்.

வீட்டு உபயோகத்துக்காக, பயன்படுத்தும் தண்ணீரில் 13 சதவீதம் சலவை செய்வதற்காக பயன்படுத்தப் படுகிறது.பிரிட்டனில், வாஷிங் மிஷின்கள் தான் பெரும்பாலும் சலவை செய்வதற்கு பயன்படுத்தப்படுகின்றன. அங்கு ஆண்டுதோறும், 80 கோடி ரூபாய் மதிப்புள்ள 20 லட்சத்துக்கு மேற்பட்ட வாஷிங் மிஷின்கள் விற்பனையாகிறது. தற்போது நடைமுறை யில் உள்ள வாஷிங் மிஷின்களில், ஒரு முறை, ஒரு கிலோ எடையுள்ள துணியை சலவை செய்ய, 35 கிலோ தண்ணீர் செலவு செய்யப்படுகிறது.

புதிதாக விற்பனைக்கு கொண்டு வரப்பட்டுள்ள வாஷிங் மிஷின்களில், இதில் வெறும் 2 சதவீதம் தண்ணீரும், மின்சாரமும் போதுமானது। இந்த வாஷிங் மிஷின் களை, ஜீரோஸ் நிறுவனம் விற்பனைக்கு கொண்டு வந்துள்ளது. ஒரு முறை சலவை செய்ய ஒரு கப் தண்ணீர் போதுமானது. இதில் உள்ள பிளாஸ்டிக் சிப்கள், துணிகளில் உள்ள கறைகள், அழுக்குகளை அகற்றி, உலர்த்திவிடும். தனியாக உலர்த்த வேண்டிய தேவை இல்லா ததால், டிரையர் தேவையில்லை. இதனால், டிரையருக்கு தேவைப்படும் மின்சார செலவும் மிச்சமாகிறது.சாதாரண வாஷிங் மிஷின்களுக்கும், புதிய வாஷிங் மிஷினுக்கும் விலை யில் பெரியளவில் வித்தியாசம் இல்லை. அடுத்த ஆண்டு முதல் வர்த்தக ரீதியாக பிரிட்டன் முழுவதும், புதிய வாஷிங் மிஷின்கள் விற்பனைக்கு கொண்டுவரப்படுகின்றன.
--
20கிலோ சிப் போடணுமாம்। சிப்களை 100தரம்திருப்பி பயன்படுத்தலாமாம்। அதாவது 6மாசத்துக்கு ஒரு முறை

இதய நோய் மருத்துவத்தில்....

2008-06-16T17:47:00.000+05:30

11/6/2008
சென்னை: கால்நடைகள், பன்றிகளில் இருந்து எடுக்கப்படும் வால்வுகள், ரத்த குழாய்கள், நரம்புகள், திசுக்கள் போன்றவை, மனிதர்களின் இதய நோயை குணப்படுத்த, நான்கு ஆண்டுகளாக பயன்படுத்தப்பட்டு வருகின்றன. இதுவரை 400 பேருக்கு இவை பொருத்தப்பட்டுள்ளன. சென்னையில் செயல்பட்டு வரும் பிரான்டியர் லைப் மருத்துவமனை டாக்டர்கள் குழு, இதில் 100 சதவீதம் வெற்றி பெற்று வருகின்றனர். மனித இதயங்களில் சில பகுதிகளை மாற்ற முடியாத சிக்கல்கள் உள்ளன. செயற்கையான முறையில் தயாரிக்கப்படும் சிந்தடிக் ரத்தநாள குழாய்கள் பொருத்தப் பட்டால், பல்வேறு பிரச்னைகள் காரணமாக அவர்கள் மீண்டும் மருத்துவமனைக்கே திரும்ப நேரிடுகிறது.

இதனால், பிரான்டியர் லைப் மருத்துவக்குழுவினர் கால்நடைகளின் ரத்த குழாய்கள், வால்வுகள், நரம்புகள், திசுக்களை பயன்படுத்தும் ஆய்வில் ஈடுபட்டு, அதில் வெற்றியும் பெற்றுள்ளனர். கேரளா மற்றும் ஆந்திராவில் உள்ள இரண்டு அதிநவீன, சுகாதாரம் மிக்க இறைச்சிக் கூடங்களுக்கு டாக்டர்கள் குழுவினர் செல்கின்றனர். அங்கு வெட்டப்படும் எருமைகளின் கழுத்துப்பகுதியில் உள்ள தொண்டை நரம்பை கவனமாக பிரித்து எடுக்கின்றனர். பன்றிகளில் உள்ள பல்மொனரி ரத்தக் குழாய்களையும் பிரித்துஎடுக்கின்றனர். இதயத்தை மூடியிருக்கும் பெரிகார்டியம் சவ்வையும் எடுக்கின்றனர். இவற்றை மருத்துவமனை பரிசோதனைக் கூடத்தில் விசேஷ கரைசலில் ஊற வைக்கின்றனர். இதன் மூலம், கிருமி தொற்று ஏற்படுவது முற்றிலும் தடுக்கப்படுகிறது. இதில் மனித செல்களும் சேர்க்கப்படுகின்றன.

ஆரம்பத்தில் இந்த ரத்தக்குழாய்கள், தொண்டை நரம்பு, பெரிகார்டியம் ஆகியவை, உணவு மற்றும் மருந்து கட்டுப்பாட்டு ஆணையத்தில், ஆட்டுக்கு பொருத்தி பரிசோதிக்கப்பட்டு, அங்கீகாரம் வழங்கப்பட்டது. அதைத் தொடர்ந்து மனிதர்களுக்கு இவை பயன்படுத்தப்படுகின்றன. ஏராளமானோர், நுரையீரலுக்கு ரத்தத்தை எடுத்துச் செல்லும் பல்மொனரி ரத்தக்குழாய் இல்லாமலேயே பிறக்கின்றனர். இவர்களுக்கு பல்மொனரி ரத்தக்குழாய் பொருத்தப்படுவது அவசியம். இவ்வாறு மனிதர்களுக்கு பொருத்தப்படும் ரத்தக்குழாய்கள், இதயத்தை மூடியிருக்கும் பெரிகார்டியம் இரட்டை சுவர் சவ்வு, போன்றவற்றில் ரத்த உறைதல், வேறு திரவ சுரப்பு போன்றவை மூன்று மாதத்துக்குள் ஏற்படாது. எனவே, இவற்றை வால்வுகளுடன் வெற்றிகரமாக முடிகிறது. பிரான்டியர் லைப் மருத்துவமனையில் இதுவரை 400 பேருக்கு இவை பொருத்தப் பட்டுள்ளன. ஒரே ஒருவரை தவிர, எல்லாருக்கும் இவை வெற்றிகரமாக பொருத்தப் பட்டு செயல்பட்டு வருகிறது. மத நம்பிக்கை கொண்டவர்கள் பன்றிகளில் இருந்து எடுக்கப்படும் ரத்தக்குழாய்கள் பொருத்தப்படுவதை விரும்புவது இல்லை. இதற்கு பதிலாக, எருமைகளில் இருந்து எடுக்கப்படும் கழுத்து நரம்புகள் வெற்றிகரமாக பொருத்தப்படுகின்றன.

பறவை நேயம்!

2008-06-09T07:46:00.000+05:30

லண்டன்: மீன் குஞ்சுக்கு நீந்த கற்றுக்கொடுக்க வேண்டுமா என்ற பழமொழி, பறவைகளுக்கு பொருந்தாது. தாய்ப் பறவை கற்றுக்கொடுத்தால் மட்டுமே, குஞ்சுகள் பறக்கப் பழகும். தாயை இழந்துவிட்டால்... அதற்கு யாராவது கற்றுக்கொடுக்காவிட்டால், பறக்கத் தெரியாது. இப்படிப்பட்ட நாரைக்கு பறக்கக் கற்றுக் கொடுத்திருக்கிறார், கேரி ஜாமித் என்ற பறவை ஆர்வலர். பயங்கர சூறாவளியால், நாரை குடும்பம் ஒன்று கூண்டோடு பலியாகிவிட்டது. அதில், ஒரு குஞ்சு மட்டும் பிழைத்துக் கொண்டது. அதை அன்போடு எடுத்து வந்தார், பறவை ஆர்வலர் கேரி ஜாமித். நாரைக்குஞ்சுக்கு தாய் இல்லாததால், அதற்கு பறப்பது எப்படி என்று தெரியாது.

அந்த நாரைக்குஞ்சுக்கு டியூட் என்று பெயரிட்டு வளர்த்து வந்தார் ஜாமித். டியூட்டுக்கு பறக்கக் கற்றுக்கொடுக்க தினமும் குறிப்பிட்ட நேரம் செலவிட்டார். மெல்ல ஓடி, பிறகு வேகம் பிடித்து, கையை இறகு போல படபடத்து கற்றுக்கொடுத்தார் ஜாமித். இதைப் பார்த்த டியூட்டும், மெல்ல நடந்து, பின் ஓடி, இறகுகளை அடித்து பறக்க முயன்றது. சில நாட்களில், இந்த பயிற்சியில் நல்ல முன்னேற்றம் ஏற்பட்டது. ஜாமித்துயுடன் ஓடிய நாரை, மூன்றடி உயரத்துக்கு பறந்தது. பழகப்பழக, பறக்கும் திறன் வந்துவிட்டது. இப்போது 70 அடி உயரத்துக்கு பறக்கிறது டியூட். விரைவில் இதை வனப்பகுதிக்கு கொண்டு சென்று விட உள்ளார் ஜாமித்.

கோமா பாட்டி மீண்ட செய்தி

2008-06-09T07:45:00.000+05:30

அன்புக்கும் உண்டோ அடைக்கும் தாழ்?
--------------

லண்டன்: ஏதோ ஒரு காரணத்தால், தலையில் அடிபடும் போது, சுயநினைவை இழக்கும் பரிதாபம் பலருக்கும் ஏற்படத்தான் செய்கிறது। கோமா நிலைக்கு சென்றுவிடும் காலகட்டத்தில், மீண்டும் பழைய நிலைக்கு திரும்பியவர்கள் அரிதாகத்தான் இருக்கிறார்கள். ஆனால், பிரிட்டனில், சாலை விபத்தில் சிக்கி, கோமா நிலைக்குச் சென்ற பெண்ணை, மீண்டும் சுய நினைவிற்கு கொண்டு வந்துள்ளார் அவரது பேத்தி.

இந்த சுவாரஸ்யமான சம்பவம் குறித்து கூறப்படுவதாவது; வடக்கு லண்டன், நீஸ்டன் பகுதியை சேர்ந்தவர் தேவ்பாய் பட்டேல் (56). இந்தியாவைச் சேர்ந்த இவர், தற்போது இங்கிலாந்தில் வசித்து வருகிறார். கடந்த சில மாதங்களுக்கு முன், தனது வீட்டின் அருகே தேவ்பாய் பட்டேல் நடந்து போய்க் கொண்டிருந்தார். அப்போது, அந்த வழியாக கட்டுப்பாட்டை இழந்து சென்ற லாரி, இவர் மீது பயங்கரமாக மோதியது. இந்த விபத்தில் லாரி டிரைவர் இறந்தார். படுகாயமடைந்த தேவ்பாய் பட்டேல், மருத்துவமனையில் சேர்க்கப்பட் டார். அவரை பரிசோதித்த டாக்டர்கள், தேவ்பாய் பட்டேல் கோமா நிலைக்கு சென்று விட்டதாக கூறினர். மேலும், தங்களால் முடிந்த அளவுக்கு அனைத்து வழிமுறைகளையும் கையாண்டனர். இருப்பினும், சுய நினைவுக்கு பட்டேல் திரும்பவில்லை.

இந்த நிலையில், மருத்துவமனையில் சிகிச்சை பெற்று வரும் பட்டேலை பார்ப்பதற்காக அவரது பேத்தி லீலாவை, தாத்தா குன்வெர்ஜி அழைத்து சென்றார். தீவிர சிகிச்சை பிரிவில் பாட்டியை பார்த்த லீலா, தன்னையும் மறந்து ஓ... வென்று கதறினார். அப்போதுதான், அந்த அதிசயம் நடந்தது, டாக்டர்கள் பேச்சு கொடுத்தும், எழுப்ப முயன்றும் எதுவுமே பயன் தராத நிலையில், தனது பேத்தியின் கதறல், பாட்டியை மீண்டும் பழைய நிலைக்கு கொண்டு வந்தது. கண் விழித்துப் பார்த்த பட்டேல், தனது பேத்தியை கொஞ்சி மகிழ்ந்தார். இந்த அதிசய காட்சியைப் பார்த்த டாக்டர்களால், தங்களது கண்களையே நம்ப முடியவில்லை. இது மருத்துவ உலகில் நடந்த அதிசயம் என்று வியந்தனர். மருத்துவமனையில் சிகிச்சை பெற்று வந்த பட்டேல், இப்போது நலமாக இருக்கிறார்

தூய்மையான கிராமம்

2008-06-09T07:43:00.000+05:30

இது போதாது, இன்னும் எவ்வளவோ தூரம் போகனும் இல்லையா?
-----------

ஷில்லாங்: பொது இடங்களிலேயே குப்பையை கொட்டுவது, சாக்கடைகளை தூய்மை படுத்தாமல் அப்படியே விட்டு விடுவது, போன்ற செயல்கள் அதிகம் அரங்கேறிவரும் காலத்தில், சுற்றுப்புற தூய்மைக்கு எடுத்துக்காட்டாக உள்ளது மேகாலயா மாநிலத்தில் உள்ள மாவ்லினாங் கிராமம். மேகாலயா மாநிலத்தில் உள்ள மாவ்லினாங் கிராமம், தலைநகர் ஷில்லாங்கிலிருந்து 75 கி.மீ., தூரத்தில், ஜெயின்தியா மலை மாவட்டத்தில் உள்ளது. சுத்தம் என்பதற்கு இலக்கணமாக திகழும், இந்த கிராமத்தில் உள்ள தெருக்களில் மூங்கிலால் செய்யப் பட்ட குப்பைத் தொட்டிகள் ஆங்காங்கே வைக்கப்பட்டுள்ளன. இதில் சேகரிக்கப்படும் குப்பைகள், அதற்கென பிரத்யேகமாக உருவாக்கப்பட்ட பள்ளத்தில் கொட்டப்படுகின்றன. இதில் தரம் பிரிக்கப்படும் மக்கும் குப்பையைக் கொண்டு உரம் தயாரித்து, விவசாயத்துக்கு பயன்படுத்துகின்றனர். இந்த கிராமத்தில், பிளாஸ்டிக் பைகளுக்கும் தடை விதிக்கப்பட்டுள்ளது.

இது குறித்து, அந்தக் கிராமத்தின் தலைவர் தாம்லின் கோங்கோத்ரெம் கூறியதாவது :பரம்பரை பரம்பரையாகவே, சுற்றுப்புறத்தை தூய்மையாக வைத்துக் கொள்ள வேண்டும் என்று சொல்லப்பட்டு வந்ததன் விளைவாகத்தான் இந்தக் கிராமம், தூய்மைக்கு உதாரணமாக திகழ்ந்து வருகிறது. சுமார், 450க்கும் மேற்பட்ட குடும்பங் கள் வசிக்கும் இந்தக் கிராமத்தில், யாருக்கும் குடிப்பழக்கம் என்பது கிடையாது. இதனால், இயல்பாகவே ஒவ்வொரு குடும்பத்திலும் அமைதியான சூழ்நிலை நிலவுகிறது. இது மட்டுமின்றி, கால்நடைகள், தாவரங்கள் ஆகியவற்றையும் பேணிப்பாதுகாக்க வேண்டும் என்ற விழிப்புணர்வும் இங்குள்ளவர்களிடையே இயல்பாக ஏற்பட்டுள்ளது. எதிர்கால சந்ததியினருக்கும், இப்போதுள்ள சுற்றுப்புற சூழல் கிடைக்க வேண்டும் என்பதில் கிராம மக்கள் மிகவும் உறுதியுடன் உள்ளனர். ஒவ்வொரு ஆண்டும், மே மற்றும் ஜூன் மாதங்களில், மரக்கன்றுகள் நடப்படுகின்றன. இத்தனை சிறப்புகளை கொண்டுள்ள இந்த கிராமம், ஆசியாவின் தூய்மையான கிராமமாக கடந்த 2003ம் ஆண்டு தேர்ந் தெடுக்கப்பட்டது. சுற்றுப்புற தூய்மைக்கு உதாரணமாக திகழும் இந்தக் கிராமத்தில், பொது இடங்களில், குப்பையை கொட்டும் நபர்கள் தண்டிக்கப்படுவதில்லை . தண்டிப்பதில் எங்களுக்கு நம்பிக்கை இல்லை; வெளியூர்க் காரர்கள் குப்பைகளை தெரியாமல் பொது இடத்தில் வீசும் பட்சத்தில், யார் அதனை முதலில் பார்க்கிறார்களோ, அவர்களே அதை எடுத்து குப்பைத் தொட்டியில் வீசிவிடுவர். இங்குள்ள நீரோடைகளில் ஓடும் தண்ணீர் கண்ணாடியைப் போல் பளபளப்பாக மின்னுவதால், எந்தவித தயக்கமுமின்றி தண்ணீரை அப்படியே குடிக்கலாம். இந்த கிராமம், சுற்றுலாத் தலமாக உருவாகிவருகிறது. அதிகம் பேர் வந்து தங்கி மகிழ்கின்றனர். இவ்வாறு அவர் கூறினார்.

பிராணி நேயம்

2008-06-09T07:42:00.000+05:30

அதென்னங்க எப்ப பாத்தாலும் மனித நேயம்? இங்க பிராணி நேயம் பாருங்க!
--------------

கர்நூல்: அரசாங்க ஊழியர்கள், தனியார் நிறுவனங்களில் பணிபுரியும் தொழிலாளர்கள் வாரத்தில் ஒருநாள் விடுமுறை எடுத்துக் கொள்ளும் வழக்கம் பல ஆண்டுகளாக நமது நாட்டில் பின்பற்றப்பட்டு வருகிறது। இதேபோன்று மனிதர்களுக்காக உழைக்கும் வாயில்லா பிராணிகளான எருதுகளுக்கும் வாரத்தில் ஒருநாள் திங்கட் கிழமை விடுமுறை அளித்து இங்குள்ள விவசாயிகள் பிராணிகள் நேயத்தை கடைப்பிடித்து வருகின்றனர்.

ஆந்திராவில் கர்நூல் மாவட்டம் ஆலஹர்வி அருகே விருபாபுரம் அடுத்த பலுகோட கிராம விவசாயிகள் வாரத்தில் ஒருநாள் இப்படி ஓய்வு அளிக்கின்றனர். இந்த கிராமத்தில் பசவேஸ்வர சுவாமி கோவில் உள்ளது. இங்கு மூலவராக எழுந்தருளியுள்ள பசவேஸ்வர சுவாமியின் (நந்தி எருது) வாகனமான எருதுகளை கிராமத்தின் எல்லையில் உள்ள ஏரிக்கு ஓட்டிச் சென்று ஒவ்வொரு வாரமும் திங்கட் கிழமையன்று தண்ணீரில் குளிப்பாட்டி சுத்தம் செய்கின்றனர். பின்னர், ஏரியிலிருந்து எருதுகளை குழந்தை குட்டிகளுடன் இங்குள்ள பசவேஸ்வர சுவாமி கோவிலுக்கு அழைத்து வந்து பூஜை செய்கின்றனர். இந்த கிராமத்து விவசாயிகள் அனைவரும் இந்த முறையை தவறாமல் கடைப்பிடித்து வருகின்றனர். நிலத்தில் விதை விதைக்க வேண்டுமென்றால் கூட திங்கட் கிழமை ஏர் கட்ட மாட்டார்கள். மேலும், இந்த கிராமத்தில் வசிப்பவர்கள் மது அருந்தி விட்டால் கோவில் அருகில் செல்ல மாட்டார்கள். திங்கட் கிழமை அன்று கிராம மக்கள் யாரும் மாமிசம் சாப்பிட மாட்டார்கள். இதுபோன்ற கிராம கட்டுப்பாட்டினால் தங்கள் விளை நிலத்தில் நல்ல விளைச்சல் காண்பதாக, இந்த கிராம மக்கள் தங்கள் நம்பிக்கையை வெளிப்படுத்தியுள்ளனர்.

தலை வழுக்கை -க்ளோனிங்

2008-06-09T07:38:00.001+05:30

இது உடனேயே சகாய செலவில் வராதுதான்! இருந்தாலும் ஒரு வழி வந்திகிட்டு இருக்கு। கொஞ்சம் நம்பிக்கையோட இருக்கலாம்!
--------
லண்டன்: தலை வழுக்கையாகி விட்டதே என்று இனி கவ லைப்பட வேண்டாம்; இதுக் கும் குளோனிங் சிகிச்சை முறை வந்து விட்டது।தலை முடி உதிர்வதற்கும், வழுக்கையாவதற்கும் பல காரணங்கள் உண்டு। சில நோய்கள் காரணமாக கூட முடிகள் உதிரும்.மரபு வழியாகவும் வழுக்கை ஏற்படும்; ஒரு குடும்பத்தில் முதல் தலைமுறையினரில் சிலருக்கு வழுக்கை ஏற்பட் டால், மூன் றாவது தலைமுறையில் உள்ள சிலருக்கு வழுக்கை வரலாம். இப்படி பல காரணங் களால் ஏற்படும் வழுக்கை தீரவும் இப்போது நவீன சிகிச்சை முறை வந்துவிட்டது.

இன்டர்சைடெக்ஸ் முறை: உடலில் ஏற்படும் கோ ளாறுகளுக்கு, மாற்று உறுப்பு அறுவை சிகிச்சை உள்ளது போல, தலைமுடிகளை மீண் டும் உருவாக்கவும், நகல் எடுக் கும் முறை வந்துவிட்டது. ஒன்றை போலவே இன் னொன்றை உருவாக்கும் மருத்துவ முறை தான் குளோனிங் என்பது. முதன் முதலில் ஆட்டின் செல்லில் இருந்து, அதைப் போலவே இன்னொரு ஆட்டை செயற்கை முறையில் விஞ்ஞானிகள் உருவாக்கி சாதனை படைத்தனர். இந்த குளோனிங் முறை இப்போது தலைமுடிகளை உருவாக்குவதற்கும் வந்துவிட்டது.

பிரிட்டனில் உள்ள மான்செஸ்டர் பகுதியை சேர்ந்த இன்டர்சைடெக்ஸ் என்ற மருத்துவ ஆராய்ச்சி நிறுவனம் இந்த முறையை வர்த்தக ரீதியாக செயல்படுத்த ஆரம்பித்துள்ளது. விஞ்ஞானிகள் ஆராயச்சிக்கு பின் வர்த்தக ரீதியாக பயன்படுத்த உள்ள இந்த முறைக்கு, "பாலிகியூலர் செல் இம்ப்ளேன்டேஷன்' என்று பெயர். தலையில் அடித்தோலில் முடி வேர்களை இழப்பதால் தான் வழுக்கை ஏற்படுகிறது.

இதனால், மீண்டும் முடிகளை வளர்க்க குளோனிங் முறையில் நடவடிக்கை மேற் கொள்ள முடியும். தீயினால் முடிகள் இழப்பு, நோயினால் முடி கொட்டுவது போன்ற காரணங்களால் வழுக்கை ஏற்படுவோருக்கும் இந்த நவீன சிகிச்சை முறை கைகொடுக்கும்.தலையில் உள்ள செல்களில் செய்யப்படும் இந்த புது முறை சிகிச்சையில், மயிர்க் கால்களில் இருந்து புதிய முடிகள் உருவாக்கப்படுகிறது. வழுக்கை ஏற்பட்ட ஐந் தாண்டுக்குள் இந்த சிகிச்சையை மேற்கொண்டால் முடிகளை மீண்டும் வளர்த்துக் கொள்ள முடியும்.

மொழி

2008-05-20T13:32:00.000+05:30

ஜெருசலேம் : "ஒன்றுக்கு மேற்பட்ட மொழி பேசும் குழந்தைகளின் மூளை எளிதில் மூப்படையாது' என, ஆய்வு ஒன்றில் தெரிவிக்கப்பட்டுள்ளது. இஸ்ரேல் நாட்டின் டெல் அவிவ் பல்கலைக் கழகத்தில், மூளை செயல்பாடு தொடர்பாக ஆய்வு ஒன்று நடத்தப்பட்டது. அந்த ஆய்வு முடிவுகள் வருமாறு: தங்களின் தாய் மொழி தவிர, இரண்டாவது மற்றும் மூன்றாவது மொழிகளை பேசும் குழந்தைகள், எதிர்காலத்தில் பல விதத்தில் பயன் அடைவர். பல மொழி பேசும், 75 வயது முதல் 95 வயதிற்கு உட்பட்ட முதியவர்கள் பலரிடம் ஆய்வு நடத்தப்பட்டது. அதில், அதிக மொழி பேசுவோரின் அறிவாற்றல் சிறப் பாக உள்ளது கண்டறியப்பட்டுள்ளது. முதியவர்கள் தெளிவான மன நிலையுடன் உள்ளனர். தாய் மொழி தவிர, இரண்டாவது, மூன்றாவது என பல மொழிகளைக் கற்றதே, அவர்களின் மூளை எளிதில் மூப்படையாததற்கு காரணம்.

அரிய ஓவிய கண்காட்சி

2008-05-20T13:30:00.001+05:30

லண்டன் : கடந்த 17ம் நூற்றாண்டில், ராமாயணத்தை சித்தரித்து வரையப்பட்ட, அழகு மிளிரும் ஓவியங்கள், தற்போது, லண்டனில் கண்காட்சியாக வைக்கப்பட்டுள்ளன. மேவாரைச் சேர்ந்த ராணா ஜகத் சிங் என்பவர், ராமாயண புராணக் கதையை சித்தரிக்கும், உயிரோட்டமுள்ள, அரிய வகை ஓவியங்களை வரைந்துள்ளார். இவை, 17ம் நூற்றாண்டில் வரையப்பட்டவை. இந்த ஓவியங்கள் அனைத்தும், புகழ்பெற்ற பிரிட்டிஷ் நூலக புரவலர் பிர்லா என்பவரின் உதவியுடன், லண்டனுக்கு கொண்டு வரப்பட்டன. உலகின் அரிய வகை ஓவியங்கள் மற்றும் கலை ஆகியவை, பிரிட்டிஷ் நூலகத்தில் கண்காட்சிகளாக இடம் பெறுவது வழக்கம். இந்த பெருமை, மேவாரில் இருந்து கொண்டுவரப்பட்ட ராமாயண ஓவியங்களுக்கும் கிடைத்துள்ளது. "இந்தியாவின் பெருமை மிகு இதிகாசம் ராமாயணம்' என்ற தலைப்பில், உயிரோட்டமுள்ள, இந்த ஓவியங்கள், கண்காட்சியாக வைக்கப்பட்டுள்ளன. ராமாயணத்தின் பெருமைகளை விளக்கும் வகையில், ஸ்லோகங்களும், கண்காட்சியில் ஒலிபரப்பப்படுகிறது. வரும், செப்டம்பர் 14 வரை, இந்த கண்காட்சி நடக்கிறது.

அரிய தாவரம்

2008-05-17T15:37:00.001+05:30

௧0 பைசா தோசை

2008-05-17T15:30:00.001+05:30

ஐதராபாத்: ஆந்திர தலைநகர் ஐதராபாத்தில் இருந்து 360 கி.மீ., தொலைவில் உள்ளது கடப்பா நகரம். இங்குள்ள ஒரு சிறு கடை முன், தினமும் காலை நேரங்களில் ஏகப்பட்ட கூட்டம். வரிசையில் நின்றபடி, மாணவர்களும், அலுவலக ஊழியர்களும் வேக, வேகமாக தோசைகளை, "உள்ளே' தள்ளுகின்றனர். இந்த அளவுக்கு கூட்டம் வர காரணம், தோசையின் விலை வெறும் 10 பைசா தான்.

இந்த உணவு கடையை நடத்தி வருபவர் முனி ரெட்டி (60); இவரது மனைவி ராம லட்சுமி. இவர்கள் நாள் தோறும், 2,000 தோசைகளை விற்பனை செய் கின்றனர். தோசைக்கு தொட்டுக் கொள்ள, தக்காளி, பச்சை மிளகாய் மற்றும் இஞ்சி என, மூன்று வகையான சட்னியும் அளிக்கப்படுகின்றன. ஏராளமானவர்கள், 100 தோசை முதல் 200 தோசை வரை பார்சலாகவும் வாங்கி செல்கின்றனர்.

தனது அனுபவம் குறித்து முனி ரெட்டி கூறியதாவது: இந்த தோசை கடை யை, 50 ஆண்டுகளுக்கு முன், துவக்கி வைத்தவர் எனது தாய் சுப்பம்மா. அப்போது அவர், ஆறு பைசாவுக்கு (ஒரு அணா) தோசை விற்பனை செய்தார். 1970ம் ஆண்டுகளில், பல்வேறு காரணங்களால், தோசையின் விலை 10 பைசாவாக உயர்த்தப்பட்டது. இதற்கு மேல், விலையை உயர்த்த கூடாது என, எனது தாய் கட்டளையிட்டார். அந்த கட்டளையை 20 ஆண்டுகளாக நிறைவேற்றி வருகிறேன்.

ஏழை மக்கள் தான், இந்த தோசையை விரும்பி சாப்பிடுகின்றனர். ஒரு தோசையை தயாரிக்க, ஒன்பது பைசா செலவாகிறது. சட்னி செலவு இதில் சேராது. எனினும், ஒரு பைசா லாபம் வைத்து தான் விற்பனை செய்கிறேன். விலைவாசி உயர்ந்து விட்டதால், தோசையின் அளவை குறைத்து விட்டேன். இருந்தாலும், காலை நேரங்களில், கடைக்கு வருபவர்களின் எண்ணிக்கை குறையவில்லை. ஒரு நபர், ஆறு முதல் 10 தோசை வரை சாப்பிடுவார்.

இந்த சிறு வருமானம், எனது குடும்பத்தை நடத்த போதுமானதாக உள்ளது. இருந்தாலும், கூடுதல் வருமானத்துக்காக, பிஸ்கட், சிகரெட், மிட்டாய்கள், சோப்புகள் ஆகியவற்றை விற்பனை செய்கிறேன். ரேஷனில், குறைந்த விலையில் அரிசி கிடைக்கிறது. இருந்தாலும், அந்த அரிசியின் தரம் சிறப்பாக இல்லை. எனவே, விவசாயிகளிடம் இருந்து நேரடியாக அரிசியை வாங்குகிறேன். அவர்கள், 40 சதவீதம் விலையை குறைத்து, தருகின்றனர். இத்தொழிலில், எனது இரண்டு மகன்களுக்கு விருப்பம் இல்லை. இருந்தாலும், என் உயிர் உள்ள வரை, 10 பைசா தோசையை விற்பனை செய்வேன்.

அகழ் வாராச்சி

2008-05-17T15:29:00.000+05:30

சென்னை : "நான்காயிரம் ஆண்டுகளுக்கு முன் இருந்த ஆதிச்சநல்லூர் தொன்மை யை வெளிப்படுத்தவும், அந்த இடத் தை பாதுகாக்கவும், உடனடியாக அந்த பகுதியில் அகழ்வாராய்ச்சி மேற்கொள்ள வேண்டும்' என்று தென்மாநில இயக்கத்தின் தலைவர் டாக்டர் சேதுராமன் மற்றும் தொல்லியல் ஆய்வாளர் டி.கே.வி.ராஜன் ஆகியோர் வலியுறுத்தினர்.

சென்னையில் நேற்று இருவரும் அளித்த பேட்டி: டாக்டர் சேதுராமன்: திருநெல்வேலிக்கு அருகேயுள்ள ஆதிச்சநல்லூரில், மூன்று ஆண்டுகளுக்கு முன் மத்திய தொல்பொருள் துறையினால் நடத்தப்பட்ட அகழ் வாராச்சியில் கிடைத்துள்ள சான்றுகள் மூலம், தமிழ் நாகரிகம் உலக நாகரிகத்திற்கு இணையானது என்பது நிரூபிக்கப்பட்டுள்ளது. ஆதிச்சநல்லூரில் 140 ஆண்டுகளுக்கு முன், அகழ் வாராய்ச்சி செய்த ஜெர்மனிய ஆய்வாளர் டாக்டர் ஜாகர், 1903ம் ஆண்டு அப்பகுதியில் ஆய்வு செய்த ஆங்கிலேயே ஆய்வாளர் அலெக்சாண்டர் ரீ ஆகியோர், "திருநெல்வேலி மாவட்டம் தான் தெற்கு ஆசிய நாகரிகத்தின் தொட்டிலாக இருந்திருக்க வேண்டும்' என்று கூறியுள்ளார். அவர்கள் நான்காயிரத்துக்கும் அதிகமான தொல் பொருட்கள் கண்டுபிடித்துள் ளனர்.தமிழ் நாகரிகத்தின் தொன்மை நான்காயிரம் ஆண்டுகளுக்கு முந்தியது என்பதும், ஆதிச்சநல்லூர் நாகரிகத்திற்கும், சிந்து சமவெளி நாகரிகத்திற்கும் தொடர்பு இருக்க வாய்ப்புள் ளதாக இப்போது தெரியவந்துள்ளது. ஆதிச்சநல்லூரில் முழுமையான ஆராய்ச்சியை அரசு நடத்த வேண்டும். அங்கு அருங்காட்சியகம் அமைக்க வேண்டும். முதுமக்கள் தாழிகள், பானைகள் போன்ற தொன்மையான பொருட்கள் தினமும் அழிந்து வருவதை தடுத்து நிறுத்த வேண்டும். ஆதிச்சநல்லூர் நாகரிகத்தின் ஆதாரங்கள் காப்பாற்றப்பட வேண்டும். ஆதிச்சநல்லூர் மற்றும் அதைச் சுற்றியுள்ள சில பகுதிகளை பாதுகாக்கப்பட்ட இடமாக அறிவித்து, உடனடியாக அந்த பகுதியில் அகழ்வாராய்ச்சியை மேற் கொள்ள வேண்டும். இந்த கோரிக்கைகளை வலியுறுத்தி, ஜூன் மாதம் ஆதிச்சநல்லூரிலிருந்து தென்மாநில இயக்கத்தின் சார்பில் பேரணி நடத்தி மாவட்ட கலெக்டரிடம் மனு கொடுக்கப்படும்.

தொல்லியல் ஆய்வாளர் டி.கே.வி.ராஜன்: மகாராஷ் டிரா, கர்நாடகா மாநிலங்கள் தான் பானை தயாரிப்பில் முன்னோடியாக இருந்தன என்று வரலாறு கூறுகிறது. ஆனால், கடந்த மூன்று ஆண்டுகளுக்கு முன் மத்திய தொல்லியல் துறை மேலாளர் சத்தியமூர்த்தி தலைமையில் நடந்த அகழ்வாராய்ச்சியில் முதுமக்களின் தாழிகளும், பானை ஓடுகளும், வெண்கலம், மற்றும் மண்டபாண்ட வகைகளும் கிடைத்துள்ளன. அகழ்வாராய்ச்சிகளின் முடிவுகள் தமிழ் நாகரிகத்தை மூன்றாயிரத்து 500 ஆண்டுகளுக்கு முன் எடுத்துச் செல்கின்றன. தமிழர்கள் தான் பானை தயாரிப்பில் முன்னோடியாக விளங்கினர் என்ற புதிய வரலாற்றை மாற்றி எழுத வேண்டிய சூழ்நிலை உருவாகியுள்ளது. ஐரோப்பா போன்ற பல்வேறு நாடுகளில் அகழ் வாராய்ச்சி மேற்கொள்ள தனியார் அமைப்புகளுக்கு அங்கீகாரம் அளித்துள்ளது. அதேபோல் மத்திய அரசும், தனியார் அமைப்புகளும் அகழ்வாராய்ச்சியில் ஈடுபட அங்கீகாரம் அளிக்க வேண்டும். அப்போது தான் தொன்மையான பொருட்களை அழிவதை தடுக்க முடியும். திருநெல்வேலி மாவட் டத்தில் ஸ்ரீவைகுண்டம், குரும்பூர், பாளையங்கோட் டை உள்ளிட்ட 37 ஊர்களில் ஒவ்வொரு நாளும் முதுமக்கள் தாழிகள், பானைகள், கொள்கலன்கள் அழிக்கப் பட்டு வருகிறது. பானை தயாரிப்பில் தமிழகம் தான் முன்னோடி என்பதை கர்நாடகா, மகராஷ்டிரா மாநிலங்கள் ஏற்றுக் கொள்ளவில்லை. ஆதிச்சநல்லூரில் முழுமையான அகழ்வாராய்ச்சியை தமிழக அரசு நடத்தி அங்கு மறைந்து கிடக்கும் தமிழகத்தின் பெருமைகளை உலகறியச் செய்ய வேண்டும். ஆதிச்சநல்லூர் நாகரிகத்திற்கும் தற்போதைய ஈராக் நாட்டின் மெசபடோமியா நாகரிகத்துக்கும் பல ஒற்றுமை உள்ளது. திருமணத்தின் போது பெண்கள் தங்களது தலையில் தங்கத் தகடு கட்டும் பழக்கம் உள்ளது. அதேபோல் மெசபடோமியா பெண்களும் தங்களது திருமணத்தின் போது தலையில் தங்கத் தகடு அணிகின்றனர். உலகத்திலேயே நான்கு ஆயிரம் தொல்பொருட்கள் கிடைத்த ஒரே இடம் ஆதிச்சநல்லூர் என்றால் மிகையல்ல.இவ்வாறு டி.கே.வி. ராஜன் கூறினார்.

கொசு ஒழிப்பு !

2008-05-17T15:26:00.002+05:30

may 2, 2008

பெங்களூரு: கொசுக்கள் இன பெருக்கத்தை கட்டுப்படுத்த புதுவகை நடைமுறையை ராணுவ ஆராய்ச்சி மற்றும் மேம்பாட்டு அமைப்பு ( டி.ஆர்.டி.இ.,) கண்டுபிடித்துள்ளது. டி.ஆர்.டி.இ., அமைப்பின் வாழ்க்கை அறிவியல் மற்றும் மனித வள பிரிவின் தலைமை பொறுப்பாளர் செல்வமூர்த்தி கூறியதாவது: "லார்வா' என அழைக்கப்படும் முட்டைப்புழுக்கள், நீர் நிலைகளில் வெளிப்படுத்தும், பெரோமோனி ஹார்மோன் தான், பெண் கொசுக்கள் ஈர்த்து, முட்டைகளை இட வைக்கின்றன. பெரோமோனி ஹார்மோன் மற்றும் பூச்சிகளை அழிக்க பயன்படுத்தப்படும் ரசாயன பொருளையும் ஒன்று சேர்த்து, "அட்ராக்சிசைட்' என்ற திரவத்தை உருவாக்கியுள்ளோம்.

இந்த திரவத்தை, குறிப்பிட்ட நீர்நிலைகளில் தெளித்தால் போதுமானது. அந்த நீர்நிலைகளை தேடி வந்து கொசுக்கள் முட்டைகள் இடும். கொசுக்களின் இன பெருக்கம் குறிப்பிட்ட பகுதிக்குள் கட்டுப்படுத்தப்படும். இந்த சோதனையை, அமைச்சரவை செயலர் பார்வையிட்டுள்ளார். இந்த சோதனையை நடத்திப்பார்க்கும்படி, அனைத்து மாநில அரசுகளுக்கும் அவர் கூறியுள்ளார். இந்த சோதனையை, தமிழ்நாடு, கேரளா, மகாராஷ்டிரா மற்றும் டில்லி மாநிலங்கள் ஏற்கனவே, நடத்த தொடங்கி விட்டன. சோதனை வெற்றி பெற்றுள்ளதாக தகவல்கள் கிடைத்துள்ளன.

வடகிழக்கு மாநிலங்களில், கொசுக்கள் தொல்லை அதிகமாக உள்ளது. அசாமில் தேஸ்பூர் என்ற இடத்தில் உள்ள ராணுவ ஆராய்ச்சிக் கூடம், மூலிகை கொசு விரட்டியை கண்டுபிடித்துள்ளது. நோய்களை பரப்பும் கருவியாக, கொசுக்களை பயன்படுத்துவதை தடுக்கவே இந்த ஆராய்ச்சி நடக்கிறது. எனவே, மூலிகையை கொண்டு திரவ நிலையில் உள்ள கொசு விரட்டியும், கிரீமும் உருவாக்கப்படுகிறது. சாதாரண கொசு விரட்டி, நான்கு அல்லது ஐந்து மணி நேரம் மட்டுமே பலன் தரும். ஆனால், மூலிகை கொசு விரட்டி, 12 மணி நேரம் பலன் தரும்; இது வடகிழக்கு மாநில எல்லைப்பகுதியில் உள்ள ராணுவ வீரர்களுக்கு மிகவும் உதவியாக இருக்கும். இவ்வாறு செல்வமூர்த்தி கூறினார்.

காஸ் ஸ்டவ்

2008-05-17T15:26:00.001+05:30

may 2,2008

பெங்களூரு: "ஐரோப்பிய மாடல் காஸ் ஸ்டவ் வாங்கலாமா?' என்று தான் நகரங்களில் உள்ள பெண்களின் சிந்தனை போகிறது. ஆனால், சுற்றுச்சழல் பாதுகாப்புக்கு உண்மையாக பாடுபடுபவர்கள் நாங்கள் தான் என்று கிராம பெண்கள் சாதித்து வருகின்றனர். சுற்றுச்சூழல் பாதுகாப்புக்கு கேடாக உள்ளவையாக சில மாசுகளை, ஐக்கிய நாடுகள் சபை பட்டியலிட்டுள்ளது. அதில், நான்காவதாக உள்ளது "கார்பன்' வாயு தான். பெட்ரோல், டீசல், காஸ், மண்ணெண்ணெய் போன்றவற்றை பயன்படுத்துவதால், இந்த வாயு மிக மோசமாக சுற்றுச்சூழலை கெடுக்கிறது.

இவற்றின் பயன்பாட்டை நிறுத்த வேண்டும்; சுற்றுச்சூழல் பாதுகாப்புக்கு உகந்த மாற்று எரிபொருள் பயன்பாட்டை ஊக்கப்படுத்த வேண்டும் என்று, மத்திய, மாநில அரசுகளும் பல வகையில் முயற்சி செய்து வருகின்றன. ஆனால், நகரங்களில் உள்ள மக்கள் அதில் பெரிதும் அக்கறை காட்டுவதில்லை. சூரிய சக்தி மின்சாரம் முதல் ஸ்டவ் வரை, சுற்றுச்சூழல் பாதுகாப்புக்கு பல பொருட்கள் உள்ளன. இந்த வகையில், சமீபத்தில் சிறிய ஸ்டவ் விற்பனைக்கு வந்துள்ளது. இதன் பெயர் "ஊர்ஜா' சிறிய ஸ்டவ் என்றாலும், காஸ் அடுப்பு போல எரியும். காஸ் சிலிண்டர் செலவை விட பாதி தான் செலவாகும். தென்மாநிலங்களில் உள்ள கிராமங்களில் இந்த ஸ்டவ்வை பிரபலப்படுத்த கிராமங்களில் உள் பெண்கள் தேர்ந்தெடுக்கப்பட்டு வருகின்றனர்.

சர்வதேச அளவில் எரிசக்தி தயாரிப்பு நிறுவனமான "பிபி' சார்பில், இந்தியாவில் "பி.பி.,எனர்ஜி இண்டியா' என்ற நிறுவனம், இந்த ஸ்டவ்வை தயாரித்து விற்பனை செய்து வருகிறது. இந்த திட்டத்துக்கு அரசு உதவியோ, தன்னார்வ தொண்டு நிறுவனங்களின் ஒத்துழைப்போ இல்லை. கிராமங்களில் நேரடியாக நிறுவனத்தின் பிரதிநிதிகள் பிரசாரம் செய்து, பெண்களை நியமித்து வருகின்றனர். தமிழகம், கர்நாடகா, ஆந்திரா, கேரளாவில் உள்ள கிராமங்களில் 10 லட்சம் ஸ்டவ்களை விற்க இலக்கு நிர்ணயித்துள்ளது இந்த நிறுவனம்.

இதற்காக, இந்த மாநிலங்களில் உள்ள கிராமங்களில் மூன்றாயிரம் பெண் விற்பனை பிரதிநிதிகளை நியமித்துவருகிறது. ஸ்டவ்வின் விலை 675 ரூபாய். இந்த ஸ்டவ்வில் எரிபொருளாக பயன்படுத்தப்படுவது, வேர்க்கடலை சருகுகள் உட்பட விவசாய மிச்சம் மீதிகளை காயவைத்து, தயாரிக்கப்படும் உருண்டைகள் தான். ஒரு மூட்டை எரிபொருள் உருண்டைகள் விலை 50 ரூபாய். கர்நாடக கிராமங்களில் இப்போது படுபிசியாக இந்த ஸ்டவ்வை, கிராம மக்கள் வாங்கி வருகின்றனர். தமிழக கிராமங்களிலும் விரைவில் இந்த ஸ்டவ் விற்பனைக்கு வரும்.

ராஜா ராம் மோகன் ராய்

2008-05-17T15:23:00.000+05:30

april 30, 2008

லண்டன் : பிரிட்டனில் அமைந்துள்ள, பிரபல சமூக சீர்திருத்தவாதி ராஜாராம் மோகன் ராய் சமாதி, 165 ஆண்டுக்கு பின் புதுப்பிக்கப்பட உள்ளது. இந்தியாவில், சமூக சீர்திருத்தத்துக்கு வித்திட்டவர் ராஜாராம் மோகன் ராய். பிரிட்டனில் உள்ள பிரிஸ்டல் பகுதியில், 1833 ம் ஆண்டு மரணமடைந்தார். அவருக்கு அங்கு சமாதி அமைக்கப்பட்டது. மேற்கு வங்கத்தை சேர்ந்த ராய் மீது, இந்தியர் பலருக்கும் தனி மரியாதை உண்டு. அதனால், பிரிட்டன் செல்லும் போது, ராயின் சமாதிக்கு சென்று வருவர். கடந்த, 20 ஆண்டாக சமாதியை கவனிப்பாரின்றி சிதைந்து கொண்டிருந்தது. இதைப் பார்த்த, இந்தியர்கள் பலரும் பிரிட்டன் அரசுக்கு மனு அனுப்பினர். ஆனால், பிரிட்டன் அரசு கண்டுகொள்ளவில்லை.இந்த நிலையில், சிங்கப்பூரை சேர்ந்த தொழிலதிபர் ஆதித்திய பொத்தார் என்பவர், 35 லட்சம் ரூபாய் நன்கொடை தந்துள்ளார். பிரிஸ்டல் நகராட்சி அதிகாரிகளை சந்தித்து, ராயின் சமாதியை புதுப்பிக்க வேண்டுகோள் விடுத்தார். இதைத்தொடர்ந்து, ராஜாராம் மோகன் ராய் சமாதியை புதுப்பிக்க 20 ஆண்டுக்கு பின் பணிகள் ஆரம்பமாக உள்ளன.சிங்கப்பூர் தொழிலதிபர், கோல்கட்டாவை சேர்ந்தவர். ராயின் மீதுள்ள மதிப்பால் அவர் நன்கொடை தந்துள்ளார்.பிரிஸ்டலில் உள்ள ராய் சமாதியில், அரியாசனம் அமைக்கப்பட்டுள்ளது. அது இப்போது உருமாறி உள்ளது. மேற்கு வங்க பாரம்பரிய முறைப்படி இப்படி அமைக்கப்பட்டுள்ளது. இதையும் புதுப்பிக்க முடிவுசெய்யப்பட்டுள்ளது.

சமூக நல்லிணக்கம்

2008-05-03T07:59:00.001+05:30

அலகாபாத்: உ.பி., மாநிலத்தை சேர்ந்த முஸ்லிம் பெற்றோர், தங்கள் மகளுக்கு இந்துமத முறைப்படி திருமணம் செய்து கொடுத்தனர். உ.பி., மாநிலம் அலகாபாத்தை சேர்ந்தவர் குலாம் முகமது. இவரது மனைவி ரஷிதா பேகம். முஸ்லிம் மதத்தை சேர்ந்த இவர்களுக்கு, பெண் குழந்தை இல்லை. இதனால், 14 ஆண்டுகளுக்கு முன், சரீந்தர் யாதவ் என்ற இந்து மதத்தை சேர்ந்தவரின் பெண் குழந்தையை, தத்தெடுத்து வளர்த்தனர். அந்த குழந்தைக்கு பபிதா என பெயரிட்டு, மிகுந்த பாசத்துடன் வளர்த்து வந்தனர். காலச் சக்கரம் வேகமாக உருண்டோடியது. பபிதாவிற்கு திருமண வயது வந்தது. திருமணம் செய்ய முடிவு செய்தனர். அப்போது, அவர்களுக்கு புதுக் குழப்பம் ஏற்பட்டது.

பபிதாவிற்கு, முஸ்லிம் மதத்தில் மாப்பிள்ளை பார்ப்பதா, இந்து மதத்தில் மாப்பிள்ளை பார்ப்பதா, என்பதே அந்த குழப்பம். இறுதியில், இந்து மதத்தில் மாப்பிள்ளை பார்ப்பது என முடிவு செய்தனர். மாப்பிள்ளை தேடும் படலம் தீவிரமடைந்தது. ஆனால், குலாம் முகமது நினைத்தது போல், அது, அத்தனை எளிதான காரியமாக இல்லை. முஸ்லிம் வீட்டில் வளர்ந்த பபிதாவை, திருமணம் செய்ய, இந்து மதத்தினர் தயக்கம் காட்டினர்.
இறுதியில், பராவுலி கிராமத்தை சேர்ந்த கங்கா பிரசாத் யாதவ் என்பவர், தனது மகன் பப்லுவுக்கு, பபிதாவை திருமணம் செய்ய முன்வந்தார். திருமண வேலைகள் வேகமாக நடந்தன. முழுக்க முழுக்க, இந்து மத சடங்கு மற்றும் சம்பிரதாயங்களை பின்பற்றி திருமணம் செய்ய முடிவு செய்யப்பட்டது. திருமண பத்திரிகையின் அட்டையில், விநாயகர் படத்தை அச்சிட்டு, தனது உறவினர்களுக்கு வினியோகம் செய்தார், குலாம் முகமது.
இந்துமத சம்பிரதாயப்படி திருமணம் நடந்தது. முஸ்லிம்-இந்து மதத்தை சேர்ந்தவர்கள் இணைந்து வந்திருந்ததால், திருமணப் பந்தல் நிரம்பி வழிந்தது. திருமணம் முடிந்து, பபிதாவை மாப்பிள்ளை வீட்டுக்கு வழி அனுப்பி வைக்கும் போது, குலாம் முகமது-ரஷிதா பேகம் தம்பதியினர், பிரிவுத் துயர் தாங்காது, கண்ணீர் விட்டு கதறி அழுதனர். இதுபற்றி குலாம் முகமது கூறுகையில்,"இது, எனது மகளின் திருமணம். ஒரு தந்தை, தனது மகளுக்கு, செய்ய வேண்டிய கடமையை நிறைவேற்றியுள்ளேன். இதை, புதுமையாக நான் கருதவில்லை' என்றார். சமூக நல்லிணக்கத்தை ஊக்குவிக்கும் வகையிலான இந்த திருமணத்திற்கு, அனைத்து தரப்பினரும் பாராட்டு தெரிவித்தனர்.
நன்றி தினமலர்.காம்

மூங்கில்

2008-04-28T07:06:00.001+05:30

நன்றி தினமலர்

தொழிலாளியின் சமூக சேவை!

2008-04-28T07:03:00.002+05:30

நன்றி தினமலர்

இப்படி ஒரு துணை முதல்வர்!

2008-04-27T17:53:00.001+05:30

நன்றி தினமலர்

வறுமையில் செம்மை!

2008-04-27T17:49:00.001+05:30

நன்றி தினமலர்

துளசி

2008-04-09T10:12:00.001+05:30

நன்றி: தினமலர்.காம்

வீட்டை உடனே காலி செய்த மாஜி அமைச்சர்

2008-04-08T20:54:00.001+05:30

அமைச்சர் நாராயணசாமிக்கு கிடைத்துள்ள மத்திய திட்டத்துறையை, இதற்கு முன், ராஜசேகரன் என்பவர் கவனித்து வந்தார். இவரது ராஜ்யசபா எம்.பி., பதவிக்காலம் முடிந்து விட்டது. மீண்டும் எம்.பி.,பதவி வழங்கப்படவில்லை. மறைந்த காங்கிரஸ் தலைவர் நிஜலிங்கப்பாவின் மருமகனான இவர், தனக்கு எம்.பி., பதவி வழங்கப்படவில்லை என்றதும் மறுநாளே டில்லியில் உள்ள வீட்டை காலி செய்து பொருட்களை சொந்த ஊருக்கு எடுத்துச் சென்றுவிட்டார். இந்நிலையில், தனது வீட்டுச் சாவியை இன்று அதிகாரிகளிடம் முறைப்படி ஒப்படைக்க இருக்கிறார். பதவி இழந்த உடனேயே அமைச்சர் ஒருவர் வீடு காலி செய்வது அதிசயம் என்பது குறிப்பிடத்தக்கது.
நன்றி: தினமலர்.காம்

இப்படியும் மனிதர்கள்!

2008-04-04T11:23:00.001+05:30

நன்றி தினமலர்.காம்

இளைஞருக்கு அதிர்ஷ்டம் -2

2008-03-28T21:40:00.002+05:30

இளைஞருக்கு அதிர்ஷ்டம் -1

2008-03-28T21:38:00.002+05:30

மாணவர் சாதனை -1

2008-03-26T14:21:00.001+05:30

மாணவர் சாதனை -2

2008-03-26T14:20:00.001+05:30

நன்றி தினமலர்

சுத்தமான கிராமம்

2008-03-24T07:25:00.001+05:30

நன்றி தினமலர்

யானைகள் எண்ணிக்கை அதிகரிப்பு!

2008-03-23T11:45:00.001+05:30

தினமலர் 23/3/2008

ரோஜா

2008-03-23T11:44:00.002+05:30

தினமலர் 23/3/2008

இந்த கார் சந்தைக்கு வந்தா.....!

2008-03-20T15:02:00.003+05:30

From mypic

நன்றி தினமலர்.காம்

மருத்துவத்தில் சம்ஸ்கிருதம்-1

2008-03-19T11:14:00.000+05:30

From mypic

நன்றி: தினமலர்.காம்

மருத்துவத்தில் சம்ஸ்கிருதம்-2

2008-03-19T11:12:00.000+05:30

From mypic

நன்றி: தினமலர்.காம்

சொந்தமாக ஒரு மின்நிலயம்!

2008-03-19T11:11:00.001+05:30

From mypic

நன்றி: தினமலர்.காம்

தீவன உண்டியல்

2008-03-19T11:08:00.001+05:30

From mypic

நன்றி தினமலர்.காம்

மனோஜ் திவாரி2

2008-03-18T17:36:00.000+05:30

நன்றி தினமலர்.காம்.

மனோஜ் திவாரி-1

2008-03-18T17:33:00.001+05:30

நன்றி தினமலர்.காம்

உலகில் உயரமான ரயில் பாலம்

2008-03-18T15:35:00.001+05:30

From mypic

நன்றி தினமலர்.காம்

தேன்

2008-03-17T21:37:00.002+05:30

From mypic

நன்றி தினமலர்

ஹைபர் ஆக்டிவ் குட்டீஸ்-2

2008-03-09T14:00:00.001+05:30

ஹைபர் ஆக்டிவ் குட்டீஸ்-1

2008-03-09T13:36:00.002+05:30

நன்றி தினமலர்.காம்

நேற்று ஆயுள் கைதி, இன்று பள்ளி ஆசிரியர்

2008-03-09T13:26:00.001+05:30

நன்றி தினமலர்.காம்

உமியில் இருந்து ஏரோஜெல்

2008-03-06T11:45:00.003+05:30

கொஞ்சம் புரியல இல்லை? விக்கிபீடியா பாருங்க.http://en.wikipedia.org/wiki/Aerogel

மத நல்லிணக்கம்

2008-03-05T13:04:00.001+05:30

நன்றி தினமலர்.காம்

அறுபது ஆண்டுகளுக்குப்பின் விளைந்த அரியவகை மூங்கில் நெல்

2008-03-04T17:20:00.004+05:30

நன்றி தினமலர்.காம்

புதிய காஸ் சிலிண்டர்

2008-03-03T15:08:00.002+05:30

நன்றி தினமலர்.காம்

அமெரிக்கா செல்லும் மூலிகை சமூசா

2008-03-03T15:02:00.002+05:30

பண்ணை விவசாயத்தில் புதிய உபகரணங்கள்

2008-03-01T08:27:00.001+05:30

மயக்க பிஸ்கட் கொள்ளையர் பிடிபட்டனர்

2008-02-29T13:12:00.000+05:30

சென்னை : ஓடும் ரயில்களில் பயணிகளுக்கு மயக்க பிஸ்கட் கொடுத்து நகை, பணம் கொள்ளையடிக்கும் கும்பலை சேர்ந்த நான்கு பேர் சென்னையில் கைது செய்யப்பட்டுள்ளனர்.

சமோசா கடையில் வேலை பார்த்துக் கொண்டே இக்கொள்ளையில் ஈடுபட்டது கண்டு பிடிக்கப்பட்டுள்ளது. வடமாநிலங்களில் இருந்து ஆந்திரா வழியாக, சென்னை வரும் எக்ஸ்பிரஸ் ரயில்களில், பயணிகளுக்கு மயக்க பிஸ்கட் கொடுத்து அவர்களிடம் நகை, பணம் போன்றவற்றை கொள்ளையடித்துச் செல்வது கடந்த ஏழு, எட்டு ஆண்டுகளாக நடந்து வந்தது. இந்த மயக்க பிஸ்கட் கும்பலிடம் சிக்காமல், பயணிகள் எச்சரிக்கையாக இருக்க வேண்டும் என ரயில்வே போலீசாரும் தொடர்ந்து எச்சரிக்கை விடுத்து வந்தனர். ரயிலில் முன்பின் தெரியாதவர்கள் கொடுக்கும் உணவுப் பொருட்களான பிஸ்கட், குளிர் பானங்களை சாப்பிடக் கூடாது என்று துண்டு பிரசுரங்களை வினியோகித்தனர். ரயில் நிலையங்களில் உள்ள `டிவி'க்களிலும் விழிப்புணர்வு விளம்பரங்களை செய்தனர். இருப்பினும், மயக்க பிஸ்கட் கும்பலிடம் பயணிகள் சிக்கிக் கொள்வது தொடர்ந்தது.

சென்னை சவுகார்பேட்டையைச் சேர்ந்த வியாபாரி கண்பத். இவர் கடந்த 23ம் தேதி ஜோத்பூர் எக்ஸ்பிரஸ் ரயிலில் பயணம் செய்த போது, மயக்க பிஸ்கட் கும்பலிடம் சிக்கி நகை மற்றும் பணத்தை பறிகொடுத்தார். இதுதொடர்பாக போலீசிலும் புகார் கொடுத்துள்ளார்.வியாபாரி கண்பத், மூன்று தினங்களுக்கு முன் சென்னை பூக்கடை போலீஸ் நிலையம் அருகே நடந்து சென்று கொண்டிருந்த போது, ஜோத்பூர் எக்ஸ்பிரஸ் ரயிலில் தன்னிடம் சகஜமாக பழகி, இந்தி மொழியில் பேசி, பிஸ்கட் கொடுத்த நபரை கண்டார். உடன் உஷாராகி ரயில்வே போலீசுக்கு தகவல் கொடுத்தார். சென்ட்ரல் ரயில்வே போலீசார் `மப்டி'யில் கண்காணித்து கண்பத் சொன்ன அடையாளங்களை வைத்து கணேஷ்(40) என்பவரை சவுகார்பேட்டையில் கைது செய்தனர்.

விசாரணையில் கணேசுக்கு தினேஷ், ராம் அகர்வால் என்ற வெவ்வேறு பெயர் இருப்பதாகவும், இடத்திற்கு தகுந்தாற்போல் பெயரை மாற்றிக் கொள்வதும் தெரிய வந்தது. மயக்க பிஸ்கட் கொடுத்து, ரயில் பயணிகளிடம் கொள்ளையடிக்க, கணேசுக்கு உதவியாக இருந்த அவரது கூட்டாளிகள் ஷியாம்லால்(40), சுனு(20). கிருஷ்ணு(24) ஆகிய மூன்று பேரையும் போலீசார் கைது செய்தனர். கைதான நான்கு பேரும் சென்னை மூலக்கொத்தளம் பகுதியில், வாடகை வீட்டில் தங்கியிருந்து, சமோசா தயாரிக்கும் கடையில் வேலை பார்த்து வந்துள்ளனர். ரயிலில் கொள்ளையடிக்கும் நேரம் போக, மற்ற நேரங்களில் சமோசா கடையில் வேலை செய்து வந்தனர். இந்த நான்கு பேரும் உத்திரபிரதேசம் ஜான்சி மாவட்டத்தைச் சேர்ந்தவர்கள். நான்கு பேரும் மயக்க பிஸ்கட் கொடுத்து கொள்ளையடித்த ஏழு வழக்குகளில் சம்பந்தப்பட்டுள்ளனர் என்றும், அதில் தமிழகத்தில் மட்டும் மூன்று வழக்குகளில் சம்பந்தப்பட்டு இருப்பதாக ரயில்வே போலீசார் தெரிவித்தனர்.

கைதானவர்களிடம் இருந்து 10 சவரன் தங்க நகை, இரண்டு மொபைல் போன் மற்றும் ஒரு வாட்ச் ஆகியவை பறிமுதல் செய்யப்பட்டன. இத்தகவலை ரயில்வே ஐ.ஜி., மாகாளி தெரிவித்தார். பேட்டியின் போது ரயில்வே டி.ஐ.ஜி., சிவனாண்டி, எஸ்.பி., சாரங்கன் உடனிருந்தனர்.
தினமலர்.காம்

அமெரிக்காவில் கால் பதிக்கும் இந்திய நிறுவனம்

2008-02-29T13:08:00.000+05:30

அமெரிக்க வாகன உற்பத்தித் துறையில் கால் பதிக்கும் முதல் இந்திய நிறுவனம் இது. ஒவ்வொரு ஆண்டும் புது ரக வாகனங்களை அறிமுகப்படுத்தி வருகிறது மகிந்திரா நிறுவனம். சமீபத்தில் அறிமுகமாகன ஸ்கார்பியோ, பெலிரோ ஜீப் கார்கள் விற்பனை, கடந்த ஆண்டை விட 25 சதவீதம் அதிகரித்துள்ளது. இந்த கார்கள், தென் ஆப்பிரிக்கா உள்ளிட்ட நாடுகளுக்கு ஏற்றுமதி செய்யப்படுகிறது.

சென்னையில் தயாரிக்கும் ரெனால்ட் லோகன் ரக கார்கள், இந்தியாவில் மட்டுமே தற்போது விற்பனை செய்யப்பட்டு வருகிறது. இவையும் ஏற்றுமதி செய்யப்பட உள்ளன. புதிதாக அறிமுகமாகும் இங்கினியோ விரைவில் விற்பனைக்கு வர உள்ளது.எரிபொருள் விலை அதிகரித்ததை தொடர்ந்து, வாகன விற்பனை அமெரிக்காவில், 1.66 கோடி வாகனங்களில் இருந்து, கடந்த ஆண்டு 1.61 கோடி வாகனங்களாக குறைந்துள்ளது. இருப்பினும், சர்வதேச அளவில், அமெரிக்கா தான் வாகன விற்பனையில் முன்னணியில் உள்ளது.இதனால், அமெரிக்காவின் வாகன விற்பனையில் போட்டியிட முடியும் என்று மகிந்திரா நிறுவனம் நம்புகிறது. பாகங்களை ஒன்று சேர்த்து முழுமைப்படுத்தும் தொழிற்சாலைகளை, அமெரிக்காவில் துவக்க முடிவு செய்துள்ளது.அமெரிக்காவின் மத்திய மேற்கு மாகாணங்கள் அல்லது சிகாகோவில் இந்த தொழிற்சாலையை அமைக்க திட்டமிடப்பட்டுள்ளது. அமெரிக்க நிறுவனத்துடன் இணைந்து இது துவக்கப்படும். இது தொடர்பாக, அமெரிக்காவை சேர்ந்த நிறுவனங்களுடன் பேச்சு நடந்து வருகிறது. தொழிற்சாலைக்கான நிலம் குறித்தும் பேச்சு நடக்கிறது.இந்த தொழிற்சாலையில், ஸ்கார்பியோ, இக்னியோ, ஸ்போர்ட்ஸ் ரக கார்கள், பயணிகள் மற்றும் சரக்குகள் ஏற்றி செல்லும் வாகனங்கள் தயாரிக்கப்பட உள்ளன
-----------
http://dinamalar.com/

செலவில்லா விவசாயம் 4

2008-02-26T13:21:00.001+05:30

நன்றி: தினமலர்.காம்

செலவில்லா விவசாயம் 3

2008-02-26T13:20:00.001+05:30

நன்றி: தினமலர்.காம்

கடல் பாசி- தலைவாசல் பகுதி விவசாயிகள்

2008-02-26T12:53:00.001+05:30

விண்வெளி வீரர்களுக்கு உணவு தயாரிக்கப் பயன்படும் கடல் பாசியை(ஸ்பைரூலினா), தலைவாசல் பகுதி விவசாயிகள் பண்ணை அமைத்து வளர்த்து வருகின்றனர்.

தமிழகத்தில் சில ஆண்டுகளாக பருவ கால நிலையில் ஏற்பட்டுள்ள மாற்றத்தால் மழையின்மை, வெள்ளம் போன்றவை மாறி மாறி வருகிறது. மழையின்மையால் ஏற்படும் வறட்சி காரணமாக நெல், கரும்பு, வாழை போன்ற நன்செய் பயிர்களை உற்பத்தி செய்ய முடியாத நிலைக்கு விவசாயிகள் தள்ளப்பட்டுள்ளனர். விவசாயம் சார்ந்த கோழிப்பண்ணை, பட்டுப்பண்ணை, மூலிகை பயிர் சாகுபடி என பல்வேறு தொழில் செய்வதில் விவசாயிகள் ஆர்வம் காட்டி வருகின்றனர். குறிப்பாக விண்வெளி வீரர்களுக்கு உணவு தயாரிக்கப் பயன்படும் கடல்பாசி (ஸ்பைரூலினா) வளர்ப்பில் விவசாயிகளுக்கு ஆர்வம் அதிகரித்துள்ளது.

கடல் வாழ் உயிரினமான பாசிகளில் 27 வகை உள்ளது. அவற்றில் 14 வகை கடல்பாசிகள் மருத்துவத்திற்கு பயன்படுத்தப்படுகிறது. அவற்றில் `ஸ்பைரூலினா' என அழைக்கப்படும் கடல்பாசி மருத்துவ பயன்பாட்டிற்கும், துணை உணவாகவும் அதிகளவில் பயன்படுகிறது. கடல் பாசிகள் சில ஆண்டுகளுக்கு முன் கடலில் இருந்து எடுத்து மருத்துவத்திற்கு பயன்படுத்தப்பட்டது. தற்போது அதன் தேவை அதிகரிப்பு காரணமாக ஆய்வகத்தில் செயற்கையான முறையில் உற்பத்தி செய்து பயன்படுத்த முடிவு செய்யப்பட்டது. திருவண்ணாமலை, வேலூர், காஞ்சிபுரம் மற்றும் சேலம் மாவட்டம் தலைவாசல் உள்ளிட்ட பகுதியில் மட்டும் முதற்கட்டமாக கடல்பாசி வளர்ப்பு தொழிலை விவசாயிகள் மேற்கொண்டு வருகின்றனர். தலைவாசல் அருகே உள்ள வேநாயகபுரம் கிராமத்தில் ராஜேஸ் என்ற விவசாயி கடல்பாசி வளர்ப்பு தொழிலில் ஈடுபட்டு வருகிறார்.

அதற்காக பிரத்யேகமாக கட்டப்பட்டுள்ள தொட்டியில் தண்ணீர் நிரப்பப்படுகிறது. அதில், தாய் வகை கடல் பாசி விடப்படுகிறது. நாள்தோறும் அரை மணி நேரத்திற்கு ஒரு முறை நீர் தொட்டியில் கடலில் தோன்றுவது போல் செயற்கையான முறையில் அலை எழுப்பி, பாசி கூடுதலாக வளர பணிகள் செய்யப்படுகிறது. திறந்தவெளியில் 30 டிகிரி செல்சியஸ் வெப்பநிலைக்கு மேல் இருந்தால் அவை நன்றாக வளர்கிறது. கடல் பாசி ஒரு கிலோ ஆயிரம் ரூபாய் வீதம் வாங்கப்படுகிறது. நாள்தோறும் வருவாய் என்பதால் விவசாயிகள் கடல் பாசி வளர்ப்பு தொழிலில் களமிறங்கியுள்ளனர்.

விவசாயி ராஜேஸ் கூறுகையில், "கடல் வாழ் தாவரமான கடல் பாசி வளர்ப்புக்கு தொட்டி அமைக்கப்படுகிறது. ஆயிரம் லிட்டர் தண்ணீர் தொட்டியில் `மதர் கல்சர்' எனும் தாய் விதை 2 கிலோ விடப்படுகிறது. அதற்கு உணவாகவும், வேறு உயிரினம் வளர்வதை தவிர்க்கவும் சோடியம் பை கார்பனேட், யூரியா, மங்கனீசியம், பொட்டாசியம், பெரஸ் சல்பேட், சோடியம் குளோரைடு, பாஸ்பாரிக் அமிலம் போன்றவை ஒரு குறிப்பிட்ட அளவில் தொட்டியில் கரைக்கப்படுகிறது. 200 சதுர அடி தொட்டியில் நான்கு ஆயிரம் லிட்டர் தண்ணீரில் 4 கிலோ கொண்ட தாய் பாசி விடப்படும். தாய் பாசி விடப்பட்டு 15 நாளில் அவை அறுவடை செய்யப்படும். நாள்தோறும் 500 கிராம் வரை கடல் பாசி எடுக்கப்படும். அவை மாத்திரையாகவும், துணை உணவாகவும் பயன்படுத்தப்படுகிறது," என்றார்.

மூலிகை சாகுபடி இயக்கத் தலைவரும், கடல்பாசி வளர்ப்பு பயிற்சியாளருமான திருப்பத்தூர் ராஜாமணி கூறுகையில், `கடல் பாசி என்பது இயற்கையின் வரப்பிரசாதம். 500 மில்லி கிராம் கடல் பாசி ஒரு கிலோ காய்கறிக்கு சமம். கடல் பாசியினை மாத்திரையாக 12 வயதிற்கு மேற்பட்டவர்கள் ஒரு கிராம் கொண்ட இரண்டு மாத்திரையும், சிறியவர்கள் அரை கிராம் கொண்ட ஒரு மாத்திரையும் சாப்பிடலாம். புற்றுநோய், சர்க்கரை நோய், காசநோய், மூட்டு வலி, இரும்பு சத்து குறைபாடு உள்ளவர், மாதவிடாய் சார்ந்த நோய்கள் மற்றும் வெள்ளைபடுதல் போன்றவை தடுக்கப்படும். கடல் பாசியானது அதிகளவில் வெளிநாடுகளுக்கு ஏற்றுமதியாகி வருகிறது. இந்தியாவிலும் மாத்திரை தயாரிக்க பயன்படுகிறது. விண்வெளிக்கு ராக்கெட்டில் செல்பவர்கள் கடல் பாசியால் தயாரிக்கப்பட்ட மாத்திரைகளையே சாப்பிடுகின்றனர்," என்றார். இத்தொழிலில் கூடுதல் வருவாய் கிடைப்பதால், ஏராளமான விவசாயிகள் ஆர்வம் காட்டி வருகின்றனர்.

தினமலர் 26-02-2008

செலவில்லாத விவசாயம் 2

2008-02-25T13:12:00.003+05:30

http://dinamalar.com/2008FEB25/general_tn13.asp
படத்து மேலே சொடுக்கி படியுங்க!

சமஸ்கிருதம் படித்து பின் பெரிய சம்பளத்தில் வேலை

2008-02-24T17:17:00.003+05:30

தினமலர் 24-02-2008 http://dinamalar.com/

செலவில்லாத விவசாயத்திற்கு அழைப்பு:

2008-02-24T17:09:00.001+05:30

கோவையில் மீண்டும் ஒரு பசுமை புரட்சி கருத்தரங்கில் பங்கேற்கிறார் சுபாஷ் பாலேக்கர்

பிப்ரவரி 24,2008,02:30
கோவை: 'வினை விதைப்பவன் வினை அறுப்பான், தினை விதைத்தவன் தினை அறுப்பான்...' என்ற பழமொழியும் இப்போது பொய்த்துப் போனது. எதை விதைத்தாலும் வேதனையை அறுவடை செய்வதே விவசாயிகளுக்கு வாடிக்கையாகி விட்டது. கடந்த ஓராண்டில் இந்தியாவில் 17 ஆயிரம் விவசாயிகள் தற்கொலை செய்து கொண்டிருக்கிறார்கள் என்பது அரசே சொல்லும் புள்ளி விபரம். இத்தனைக்கும் கடந்த ஆண்டில் மத்திய அரசின் நிதிநிலை அறிக்கையில், விவசாயிகளுக்கு உர மானியமாக ஒதுக்கப்பட்ட தொகை, ரூ.38 ஆயிரம் கோடி.

ஈரியோபைடு, வாடல் நோய் என பயிர்களைத் தாக்கும் நோய்களின் படையெடுப்பு குறையவில்லை. தண்ணீருக்காக பக்கத்துத் தோட்ட விவசாயியுடன் துவ ங்கிய சண்டை, இப்போது பக்கத்து மாநிலம் வரைக்கும் பஞ்சாயத்தில் நிற்கிறது. வேளாண் பல்கலைக்கழகங்கள் ஆராய்ச்சிகள் நடத்திக் கொண்டே இருக்கின்றன; புதிது புதிதாக பயிர் ரகங்களை அறிமுகப்படுத்திக் கொண்டே இருக்கின்றன. ஆனால், விவசாயிகளின் வாழ்க்கை மட்டும் வாடிய பயிராக மண்ணில் சாய்ந்து கொண்டே போகிறது.

காடுகளெல்லாம் அழிக்கப்பட்டு, 'கான்கிரீட் காடு'களாக உருமாற, பயிர்கள் விளைந்த இடங்களில் பளபளக்கும் அடுக்கு மாடிகள் முளைக்கின்றன. விவசாயம்தான் செய்வேன் என்று வீம்பு பிடிக்கும் விவசாயிக்கு, கடனும், கவலையும் கழுத்தை நெரிக்கின்றன. தும்பைப்பூ நிறத்தில் வேட்டி, சட்டையில் சின்னக் கருப்பு விழுந்தாலே துவண்டு போகும் விவசாயிக்கு, கடன் தொல்லையால் கவுரவம் கவிழும் போது உயிரை மாய்த்துக் கொள்வது உசிதமாகத் தெரிகிறது. விளைவு, விவசாயிகளின் தற்கொலை ஆண்டுக்காண்டு அதிகரிப்பு.

பத்தாயிரம் ரூபாய் விளைச்சல் பார்க்க, ஏழாயிரம் ரூபாய் செலவழிக்கும் விநோதத்தை அரங்கேற்றும் முட்டுவளிச் செலவுகள். களை எடுக்க ஆள் கிடைக்காத அவலம், தண்ணீர் பாய வேண்டிய நாளில் காய்ந்து கிடக்கும் கால்வாய், கடனுக்கு உரம் வாங்க, கடைக்காரனிடம் வரம் கேட்கும் வருத்தத்துக்குரிய வாழ்க்கை... இப்படி விவசாயம் என்பதே வேதனைகளின் கலவையாக மாறிப்போனதன் காரணம் என்ன...?.

தந்தையும், தாத்தாவும் இதே மண்ணில்தானே ஆயிரமாயிரமாய் விளைச்சல் பார்த்தார்கள்; ஆனந்தமாய் வாழ்க்கை நடத்தினார்கள் என்று அனுபவ பரிசோதனையும், ஆன்ம விசாரணையும் செய்து பார்த்தால், எந்த விவசாயிக்கும் ஒரு உண்மை தெரியவரும். தவறு மண்ணின் மீதில்லை, மனசுக்குள் இருக் கிறது என்று. மண்ணையெல்லாம் ரசாயன உப்புக்களின் உப்பளங்களாக மாற்றி விட்ட தவறுகளை யார் செய்தது? உள்ளே இருந்த கோடிக்கணக்கான நுண்ணுயிர்களை கண்ட உரத்தையும் போட்டு மண்ணோடு மண்ணாக சமாதியாக்கிய சாதனையை யார் நிகழ்த்தியது?மேய்ப்பதற்கு ஆளில்லை என்று பராமரிக்க முடியாமல் நாட்டுப்பசுவை வந்த விலைக்கு ஓட்டி விட்டது நினைவுக்கு வருகிறதா? இயற்கைக்கு எதிரான எல்லா விஷயங்களையும் செய்து விட்டு, இப்போது செயற்கையாக அழுது புலம்புவதில் என்ன நியாயம் இருக்கிறது...?.

இந்த வேதனைகளுக்கெல்லாம் தீர்வுதான் என்ன?...கீதைப்படி சொல்வது என்றால், நடந்தவை நடந்தவைகளாக இருக்கட்டும், இனி நடப்பவை எல்லாம் நன்மையாகட்டும். நடப்பது நன்மையாக ஒரு வழி இருக்கிறது...முட்டுவளிச் செலவுகள் இல்லாத, கவலைகளைத் துரத்தியடிக்கும் புதிய வேளாண் மந்திரமான 'ஜீரோ பட்ஜெட்' விவசாயம்தான் அது. நவீன இயந்திரங்கள், விளை நிலங்களை கீறிப்போடும் கனரக வாகனங்கள், விளம்பரங்களோடு பவனி வரும் வீரிய ரகங்கள், மூடை மூடையாக ரசாயன உரங்கள், கூட்டம் கூட்டமாய் வேலையாட்கள் என விவசாயிகளை பல முனைகளில் தாக்கி 'கொல்லும்' விவசாயத்துக்கு முடிவு கட்டி, 'வெல்லும் விவசாயம்'தான் இந்த 'ஜீரோ பட்ஜெட்' விவசாயம்.

தண்ணீரைப் பாய்ச்சி, கண்ணீரை அறுவடை செய்யும் விவசாயிகள், ஆனந்தத்தை அறுவடை செய்வதற் கான செலவில்லா விவசாயம்தான் இந்த புதிய முறை விவசாயம். உண்மையில் சொல்லப்போனால், மூதாதையர் நம் மண்ணோடு சேர்த்து நமக்கு விட்டுச் சென்ற சொத்துதான் இது. அதை உங்களுக்கே நினைவூட்டி, இழந்து போன சந்தோஷங்களை மீட்டுக் கொடுக்கும் அதிசயம்தான் இந்த செலவில்லா விவசாய முறை. இந்த அதிசயத்தை கோவை விவசாயிகளுக்கு அறிமுகப்படுத்தும் அற்புத நிகழ்ச்சி, கோவை கொடிசியா அரங்கில் மார்ச் 22லிருந்து 25 வரை நான்கு நாட்கள் நடக்க இருக்கிறது.

நொய்யலுக்கு மறு உயிர் கொடுத்து, ஏராளமான குளங்களில் ஈரத்தை நிறுத்தி வைத்த கோவை 'சிறுதுளி' அமைப்பு, இந்த நிகழ்ச்சிக்கு ஏற்பாடு செய்துள்ளது.இவர்களுடன் தினமலர் நாளிதழும் கரம் கோர்க்கிறது. எதற்காக? நம் பாரம்பரிய விவசாயத்தை மீட்டெடுக்கத்தான். விரக்தியின் விளிம்பில் வேதனைப்பட்டுக் கொண்டிருந்த இந்திய விவசாயிகளுக்கு புதிய நம்பிக்கை நட்சத்திரமாக, இன்னொரு பசுமைப் புரட்சிக்கு விதை போட்ட கனவு நாயகனான, 'உழவர்களின் கலாம்' சுபாஷ் பாலேக்கர் பங்கேற்கும் அரிய நிகழ்வுக்கு உங்களை அன்போடு அழைக்கிறது 'சிறுதுளி' அமைப்பு.

எல்லாம் சரி! யார் இந்த சுபாஷ் பாலேக்கர்?...அவரது அறிமுகம் நாளை! விவசாயிகளே இனியும் உங்கள் உழைப்பு வீணாக வேண்டாம். நம்மிடம் இருக்கும் இயற்கை வரங்களை கொண்டே முட்டுவளி செலவு எதுவும் இல்லாமல், தரமான விவசாயத்தை பார்க்க முடியும். இதற்கு வழிகாட்டும் இந்த நிகழ்ச்சிக்கு இப்போதே தயாராகுங்கள்....

http://www.dinamalarbiz.com/News_large.asp?News_id=156&new=2&pg=1

எம் ஏ படிப்பில் ௭ பதக்கங்கள் ஆதி திராவிட மாணவர் சாதனை

2008-02-22T20:35:00.003+05:30

தினமலர் புதுவை 22-2-2008 பக்கம் 9

இந்திய சயன்ஸ் காங்கிரஸ் விவசாயத்துறைக்கு....

2008-02-21T15:06:00.001+05:30

இந்திய சயன்ஸ் காங்கிரஸ் விவசாயத்துறைக்கு ஒரு முழு செயல் திட்டத்தை வகுத்துள்ளது. விஞ்ஞானி எம்.எஸ்.சுவாமிநாதன் இது பற்றி கூறும்போது ஜனவரி 3-7 இல் விசாகையில் இ.ச.க வின் 95 ஆம் அமர்வில் பிரதமர் தெரிவித்த கவலைகளை இது கவனத்தில் கொண்டுள்ளது என்றார். இதன்படி ஒரு தேசிய விவசாயிகள் பங்கு கொள்ளும் ஆராய்சி இணையம் உருவாக்கப்படும். எப்போதும் பசுமையாக இருக்க திட்டங்கள் வகுக்கப்படும். விவசாயிகள், கொள்கை உருவாக்குவோர், விஞ்ஞானிகள், தொழில் நுட்ப கலைஞர்கள் மற்றும் எல்லா வேளான் கல்லூரிகளும் இதில் பங்கு வகிப்பர். இது மட்டும் இன்றி இஸ்ரோ ஐகார் ஐஐடிகள், போன்ற நிறுவனங்களுக்கும் பங்கு உண்டு.
விஞ்ஞானி எம்.எஸ்.சுவாமிநாதன் "மேலும் வருமானம் தேடி ஆண்கள் நகர்புறங்களுக்கு செல்வதால் விவசாயம் பெண்கள் சார்ந்ததாக ஆகி வருகிறது. ஆகவே உணவு பாதுகாப்பு என்பது பெண்களின் பலத்தை அதிகரிப்பதில் உள்ளது. திட்டத்தில் பெண் விவசாயிகளுக்காக 9 அம்ச துணை திட்டம் உண்டு என்றார்.
http://www.deccan.com/chennaichronicle/City/CityNews.asp

தொழிலில் புதுமை புகுத்தும் பெண்கள் பட்டியலில் இந்தியாவின் பத்மஸ்ரீ

2008-02-20T21:40:00.001+05:30

அமெரிக்காவில் புதுமைகள் மூலம் சாதனை படைக்கும் பெண்கள் பட்டியலில் இந்தியாவில் பிறந்த பத்மஸ்ரீ வாரியரும் இடம் பெற்று உள்ளார்.
மலையாளியாக பிறந்து ஆந்திராவில் வளர்ந்தவர். தில்லி ஐஐடி யில் ரசாயன இஞ்சினீரிங்கும் கார்னெல் பல்கலையில் எம் எஸ் உம் பெற்றார். கடந்த ஆண்டு வரை மோட்டொரோலோ வில் தலைமை தொழிற்நுட்ப அதிகாரியாக பணி புரிந்தார். இப்போது சிஸ்கோ. இவரது புதுமையான அணுகு முறைகள் மூலம் நிறுவனங்களின் லாபம் அதிகமாயிற்று. புதுமை மட்டும் அல்லாது அதிக சம்பளம் பெறும் பட்டியலிலும் இவர் இருக்கிறார். பிரபல அமெரிக்க பிங்க் பத்திரிகை வெளியிட்ட புதுமையான அணுகு முறையால் அதிக வருவாய் ஈட்டுவோர் பட்டியலில் 15 பேரில்
இவர் உள்ளார்.

தினமலர் 19-02-2008 புதுவை பக்கம்14

பாடசாலை போக வேண்டும் பாப்பா எழுந்திரு

2008-02-20T21:22:00.001+05:30

விசில் அடித்து மாணவர்களை திரட்டும் தலைமை ஆசிரியர்.
மே.வங்கம் மிட்னாபூர் அருகே காடல் அருகே சாதிசாக் கிராமம். ஆரம்பப்பள்ளி உள்ளது. தலைமை ஆசிரியர் பிரணாய் கிருஷ்ணா பட்டாச்சாரியா. 7 ஆண்டுகளுக்கு முன் பொறுப்பு ஏற்றவர். தொடர்ந்து மாணவர் வருகையை சோதித்ததில் சாவகாசமாக மதியம் வருகிறார்கள் என தெரிந்தது. காரணம் விசாரித்ததில் அனைத்து மக்களும் படிப்பறிவு இல்லாதவர்கள், மணி பார்க்கக்கூட தெரியாது, கடிகாரமும் கிடையாது என கண்டு பிடித்தார். இதை சரி செய்ய தினமும் காலை 9-30 க்கு சைக்கிளில் கிராம தெருக்களில் விசில் ஊதியபடி வலம் வருவார். மக்கள் நேரம் ஆகி விட்டது என உணர்ந்து மாணவர்களை தயார் செய்து அனுப்புவர். இப்படி மெனக்கெடுவது பள்ளியில் படிக்கும் சுமார் 200 மாணவர்களை நெகிழச்செய்துள்ளது. தாங்கள் பெரியவர்கள் ஆனதும் இந்த வேலையை தாமே செய்ய உறுதி கொண்டு உள்ளனர்.
குழந்தைகள் தினமும் சீக்கிரம் எழுந்து பள்ளிக்கு தயார் ஆக வேண்டும் என்ற நோக்கத்தில் சென்னை வானொலியில் தினசரி காலை "பாடசாலை போக வேண்டும் பாப்பா எழுந்திரு" என்ற பாடலை ஒலிபரப்புகின்றனர்.
புதுவை தினமலர் 19-02-2008 பக்கம் 12

இயற்கை உரங்களால் நெல் விளைச்சல் அதிகரிப்பு

2008-02-20T21:19:00.000+05:30

கேரளாவில் பாலக்காடு மாவட்டம் அதிக நெல் பயிரிடும் பகுதி. இங்குள்ள வடக்கன்சேரி பஞ்சாயத்தை சேர்ந்த விவசாயிகள் 20 பேர் வடக்கன்சேரிபாத சேகர சமிதி என்ற அமைப்பை துவக்கியுள்ளனர். பல ஆண்டுகளாக நெல் பயிரிட்டுவரும் இவர்கள் இந்த முறை ரசாயன உரங்கள் மற்றும் பூச்சி கொல்லிகளை கைவிட்டு இயற்கை உர சாகுபடிக்கு மாறினர். இப்போது அருவடை நடக்கிறது. ஏக்கருக்கு 4 டன் விளைந்துள்ளது. (வழக்கமாக 3.5 டன்) இதை கேரளாவை சேர்ந்த போப்ஸ் நிறுவனம் அதிக விலையாக குவிண்டாலுக்கு ரூ.1125 கொடுத்து வாங்குகிறது. (இரண்டு வருடம் முன் 420, போன வருடம் அரசு நிர்ணயித்த ஆதரவு விலை 900.)
விவரமான தகவல் : தினமலர் புதுவை பதிப்பு 20-02-2008 பக்கம் 2

தமிழில் எழுத

2008-02-18T14:42:00.005+05:30

டும் டும் டும்!
போன ௧௨ தேதி முதல் தமிழில் நேரடியாக எழுத ப்ளாகர் வசதி செய்துள்ளது.
Settings |பேசிக்ஸ் பக்கத்தில் சென்று இந்த வசதியை இயலுமைப்படுத்துங்கள்!
மேலும் படிக்க
http://help.blogger.com/bin/answer.py?answer=58226

12 தேதி என்பது தமிழ் எண்களாக வந்துள்ளதை காண்க!

இரும்பு பட்டறையில் இஸ்ரேல் மாணவர்..

2008-02-12T14:20:00.000+05:30

மூணாருக்கு சுற்றுலா வந்தவர் யோனி (29).இஸ்ரேல் நாட்டவர். அனிமேஷன் படிக்கிறார். அவர் தோழி இனபலுடன் சுற்றுலா வந்தார்.
மூணாரில் சுப்பிரமணிய சாமி கோவில் செல்லும் வழியில் இரும்பு பட்டறைப்பணிகளை கூர்ந்து கவனித்தார். பணி அவரை கவர்ந்ததால் பட்டறை உரிமையாளருக்கு குரு தட்சிணை வைத்து பணிகளை கற்று வருகிறார். அடுப்பையும் சூட்டையும் பொருட்படுத்தாமல் ஒரே நாளில் கத்தி செய்ய கற்றுக்கொண்டார்.

நம்மில் எவ்வளவு பேருக்கு இப்படி ஆர்வம் இருக்கிறது?

தினமலர் புதுவை 12-02-2008 பக்கம் 7

நல்ல சேதி 07-02-2008

2008-02-07T17:32:00.000+05:30

தொழிலாளியாக இருந்து முதலாளி ஆனவரின் கதை
எல்.எம்.எல் நிறுவனத்தில் வேலை பார்த்தவர் வடிவமைத்து விற்பனை செய்யும் எலக்ட்ரானிக் ஸ்கூட்டர் விற்பனை சூடு பறக்கிறது.

அவதேஷ் மிஸ்ரா...எல்.எம்.எல் நிறுவனத்தில் வேலை பார்த்தவர். இந்த நிறுவனம் மூடப்பட்டதை அடுத்து வேறு வேலைக்கு முயற்சி செய்தார். புதுவகையில் ஒரு ஸ்கூட்டர் தயாரிக்கும் எண்னம் அவருக்கு தோன்றியது. வேலை தேடலை விட்டு வெளிநாடுகளில் எலக்ட்ரானிக் ஸ்கூட்டர் தயாரிக்கும் நிறுவனங்களை நேரடியாக பார்க்க முடிவு செய்தார். சீனா, ஜெர்மனி நடுகளுக்கு சென்றார்.

ஜெர்மனியில் ஜி.பி.செஸ்கெர் இன்டர்நேஷனல் என்ற நிறுவனம் சீனாவின் ஷாங்காயில் ஸ்கூட்டர்கள் தயாரிக்கிறது. அந்த நிறுவன அதிகாரிகளுடன் பேச்சு வார்த்தை நடத்தி உடனடியாக கூட்டு முயற்சியில் இந்தியாவில் அவற்றை தயாரிக்க உடன்படிக்கை ஏற்பட்டது. 50 லட்சம் முதலீட்டில் ஜிஈ ஆட்டோ துவக்கப்பட்டது. டேராடூனில் சலகுயி தொழிற்பேட்டையில் தொழிற்சாலை உருவானது. ஜி பைக்ஸ் உற்பத்தி செய்யப்பட்டு விற்பனைக்கு வந்தது.

இதற்கு பெரிய வரவேற்பு கிடைத்ததை ஒட்டி பீஹார் பாட்னாவில் 1.5 கோடியில் இன்னொரு தொழிற்சாலை உருவானது. இரண்டிலும் சேர்த்து மாதம் 7,500 ஸ்கூட்டர்கள் தயாராகின்றன. இதே போல் மோட்டார் பைக்குகள் தயார் ஆகின்றன. ரகத்தை பொருத்து ஒரு முறை சார்ஜ் செய்தால் 50 முதல் 100 கி.மீ ஒடுகின்றன. சார்ஜ் தீர்ந்தாலும் பெட்ரோலில் பத்து கிமீ செல்ல பாதுகாப்பு வசதியும் உண்டு.

சுற்று சூழலுக்கு ஏற்ற இவை முதல் கட்டமாக உ.பி, ம.பி, பீகார், அஸாம், ஜார்கண்ட் மாநிலங்களில் விற்பனை ஆகின்றன. மற்ற மாநிலங்களில் விற்பனை செய்ய திட்டங்கள் உள்ளன.தொழிலாளியாக இருந்து முதலாளி ஆனவரின் கதை
எல்.எம்.எல் நிறுவனத்தில் வேலை பார்த்தவர் வடிவமைத்து விற்பனை செய்யும் எலக்ட்ரானிக் ஸ்கூட்டர் விற்பனை சூடு பறக்கிறது.

அவதேஷ் மிஸ்ரா...எல்.எம்.எல் நிறுவனத்தில் வேலை பார்த்தவர். இந்த நிறுவனம் மூடப்பட்டதை அடுத்து வேறு வேலைக்கு முயற்சி செய்தார். புதுவகையில் ஒரு ஸ்கூட்டர் தயாரிக்கும் எண்னம் அவருக்கு தோன்றியது. வேலை தேடலை விட்டு வெளிநாடுகளில் எலக்ட்ரானிக் ஸ்கூட்டர் தயாரிக்கும் நிறுவனங்களை நேரடியாக பார்க்க முடிவு செய்தார். சீனா, ஜெர்மனி நடுகளுக்கு சென்றார்.

ஜெர்மனியில் ஜி.பி.செஸ்கெர் இன்டர்நேஷனல் என்ற நிறுவனம் சீனாவின் ஷாங்காயில் ஸ்கூட்டர்கள் தயாரிக்கிறது. அந்த நிறுவன அதிகாரிகளுடன் பேச்சு வார்த்தை நடத்தி உடனடியாக கூட்டு முயற்சியில் இந்தியாவில் அவற்றை தயாரிக்க உடன்படிக்கை ஏற்பட்டது. 50 லட்சம் முதலீட்டில் ஜிஈ ஆட்டோ துவக்கப்பட்டது. டேராடூனில் சலகுயி தொழிற்பேட்டையில் தொழிற்சாலை உருவானது. ஜி பைக்ஸ் உற்பத்தி செய்யப்பட்டு விற்பனைக்கு வந்தது.

இதற்கு பெரிய வரவேற்பு கிடைத்ததை ஒட்டி பீஹார் பாட்னாவில் 1.5 கோடியில் இன்னொரு தொழிற்சாலை உருவானது. இரண்டிலும் சேர்த்து மாதம் 7,500 ஸ்கூட்டர்கள் தயாராகின்றன. இதே போல் மோட்டார் பைக்குகள் தயார் ஆகின்றன. ரகத்தை பொருத்து ஒரு முறை சார்ஜ் செய்தால் 50 முதல் 100 கி.மீ ஒடுகின்றன. சார்ஜ் தீர்ந்தாலும் பெட்ரோலில் பத்து கிமீ செல்ல பாதுகாப்பு வசதியும் உண்டு.

சுற்று சூழலுக்கு ஏற்ற இவை முதல் கட்டமாக உ.பி, ம.பி, பீகார், அஸாம், ஜார்கண்ட் மாநிலங்களில் விற்பனை ஆகின்றன. மற்ற மாநிலங்களில் விற்பனை செய்ய திட்டங்கள் உள்ளன.

தினமலர் புதுவை பக்கம் 4

நல்ல சேதி -5 பிப் 6 ,2008

2008-02-06T21:21:00.000+05:30

அரவிந்த் கண் மருத்துவ மனையில் செயற்கை விழி ஆபரேஷன்.
உலக அலவில் இந்த சிகிச்சை 200 பேருக்குத்தான் செய்யப்பட்டு உள்ளது. ஒரு லட்சத்துக்கும் அதிகமாக செலவாகும் என்பதால் இந்தியர் பலர் தேவை இருந்தும் செய்து கொள்ள முடியவில்லை. அமேரிக்க மருத்துவர் ஆன்டணி ஆல்டேவ் செயற்கைகருவிழி பொருத்த சிறப்பு பயிற்சி அளித்தார். பயிற்சி பெற்றோர் ஒரு மணி நேரத்தில் இதை செய்ய இயலும். இப்போது இதன் செலவு 22 ஆயிரம்தான்.

தினமலர் புதுவை 06-02-2008 பக்கம் 16

நல்ல சேதி -4 06-02-2008

2008-02-06T21:20:00.000+05:30

காப்பி அடிக்கும் மாணவர்களை திருத்த தண்டிப்பதைவிட அவர்களுடைய அம்மாவை அழைத்து அவர்கள் மூலமாக திருத்தும் பணியை மத்திய பிரதேச பல்கலை நூதன திட்டம் வகுத்து உள்ளது.
வட மாநிலங்களில் காப்பி அடிப்பது தொழிலாகவே நடை பெறுகிறது. இதில் பிடிபட்ட மாணவர்களின் அம்மாக்களை பல்கலை ஒரு கூட்டத்துக்கு அழைத்து உள்ளது. அம்மாக்கள் தம் பிள்ளைகள் காப்பி அடிக்க மாட்டார்கள் என உறுதி மொழி தருவர். இதையும் மீறி காப்பி அடித்து பிடிபட்டால் அந்த மாணவர்கள் தண்டிக்கப்படுவர்.
துணை வேந்தர் போபால் சிங்க் தான் உஜ்ஜயினியில் கலெக்டராக இருந்த போது இதை நடை முறை படுத்தியதாகவும் அது நல்ல பலனை அளித்ததாகவும் கூறினார்.

தினமலர் புதுவை 06-02-2008 பக்கம் 5

நல்ல சேதி -3 06-02-2008

2008-02-06T21:19:00.000+05:30

ரயில் பயணிகளிடம் கண்டபடி கட்டணம் வசூலிப்பதா?

ரயில்வேக்கு பிரதமர் அலுவலகம் கண்டிப்பு.

2001 ஆண்டு ரயில் பாதுகாப்பு தொடர்பாக கமிட்டி ஒன்று பரிந்துரைத்ததை அடுத்து அவற்றை நிறைவேற்ற 17,000 கோடி ரூபாய் தேவை என முடிவானது. பட்ஜெட் மூலமாக 12,000 கோடியும் மீதியை பயணிகளிடம் பாதுகாப்பு கட்டணம் என்றும் வசூலிக்க முடிவானது.
இதன்படி கடந்த மார்ச் 31 வரை அக்கட்டணம் வசூலிக்கப்பட்டது. ஆனால் அதன் பின்னும் அக்கட்டணம் தொடர்ந்து வசூலிக்கப்படுவதை பார்லிமென்ட் ஆய்வுக்கமிட்டி சமீபத்தில் கண்டுபிடித்தது. அனுமதிக்கப்பட்ட காலத்தை தாண்டி வளர்ச்சி கட்டணம் என்று அதை வசூலிப்பதை தவறு என அக்குழு கண்டித்து உள்ளது. இந்த அறிக்கையை பார்த்து பிரதமர் அலுவலகமும் ரயில்வேயை கண்டித்து உள்ளது. இதை அடுத்து இந்த மார்ச் 31 உடன் (1000 கோடி வசூலித்த பின்னர்) இத்திட்டம் கைவிடப்படும்.....

தினமலர் புதுவை 06-02-2008 பக்கம் 1

நல்ல சேதி -2 06-02-2008

2008-02-06T21:17:00.000+05:30

வெயிட் இல்லாத காஸ் சிலிண்டர் வருகிறது!

இப்போதுள்ள உருக்கு சிலிண்டர் போல பாதி எடை உள்ளது. உள்ளே இருக்கும் காஸ் ஐ யும் பார்க்க முடியும். நார்வே நாட்டை சேர்ந்த ரகஸ்கோ என்ற நிறுவனம் இதை தயாரிக்கிறது. இவை பரிசோதனையாக பயன்படுத்திப்பார்க்கப்பட்டன. எல்லாவகையிலும் நன்றாக இருப்பதாக தெரிந்ததை அடுத்து அந்த நிறுவனம் இந்திய நிறுவனம் ஒன்றுடன் கூட்டாக இதை தயாரிக்க முன் வந்துள்ளது. பேச்சு வார்த்தைகள் நடந்து வருகின்றன.....

தினமலர் புதுவை 06-02-2008

நல்ல சேதி பிப் 6, 2008

2008-02-06T07:33:00.000+05:30

மும்பை: டில்லியை அடுத்து, சென்னையில் இ - செக்' முறை அமலுக்கு வருகிறது. காசோலை, கிளியர்' ஆவதற்கு மூன்று நாள் ஆகும் நிலை போய், மின்னணு முறையில், மூன்று மணி நேரத்தில், கிளியர்' ஆகி விடும்.

அமெரிக்கா உட்பட, பல நாடுகளில் இந்த, எலக்ட்ரானிக் செக்' முறை தான் அமலில் உள்ளது. அதனால், எவ்வளவு தூரமாக இருந்தாலும், ஒரு வங்கிக் கணக்கில் இருந்து, இன்னொரு வங்கிக் கணக்குக்கு பணத்தை மாற்ற சில மணி நேரமே பிடிக்கிறது. இதனால், வாடிக்கையாளர்களுக்கு மிக சுலபமாக, தங்களின் செக்'குகளை மாற்ற முடிகிறது.

வங்கிகளில், செக் பரிமாற்றத்துக்கு இப்போது கடைபிடிக்கும் முறைக்கு, மேக்னடிக் இங்க் கேரக்டர் ரெகக்னேஷன்' (எம்.ஐ.சி. ஆர்.,) என்று பெயர். இதில் காகித வடிவில் காசோலையை சமர்ப்பிக்க வேண்டும்.

இந்த காசோலையை பரிசீலித்து, அந்த காசோலை உண்மையானது தான் என்பதை வங்கி உறுதி செய்து கொண்டு, செக் போக வேண்டிய குறிப்பிட்ட வாடிக்கையாளர் கணக்கு உள்ள வங்கிக்கு அனுப்பும். அந்த வங்கி அந்த காசோலையை வாங்கி, வாடிக்கையாளர் கணக்கில் சேர்க்கும். இதற்கு மூன்று நாட்கள் பிடிக்கும். உள்ளூர் காசோலையாக இருந்தால், 24 மணி நேரம் பிடிக்கும்.

மின்னணு தொழில் நுட்பத்தின் மூலம் கையாளப்படும் , இ- செக்' பரிமாற்றம், செக் ட்ரன்கேஷன் சிஸ்டம்' (சி.டி.எஸ்.,) முறை மூலம் கையாளப்படுகிறது. இப்போதுள்ள நடைமுறை போல, காசோலையை காகித வடிவில், வங்கியில் சமர்ப்பிக்க வேண்டிய அவசியம் இல்லை. வங்கிக்கு சென்று, இ -செக்' கை போட்டால், போதும், வாடிக்கையாளர், தான் யாருக்கு அனுப்ப விரும்புகிறாரோ அவர் கணக்குக்கு பணத்தை வங்கி அனுப்பி விடும். இதற்கு மூன்று மணி நேரம் தான் ஆகும்.

டில்லியில், ஒரு மாத சோதனைக்கு பின், அமல் செய்யப்பட்டுள்ளது. ஸ்டேட் பாங்க், பஞ்சாப் நேஷனல் வங்கி, சிண்டிகேட் வங்கி, ஐசிஐசிஐ.,வங்கி, ஸ்டாண்டர்டு சார்ட்டர்டு வங்கி, பேங்க் ஆப் அமெரிக்கா, கரூர் வைஸ்யா வங்கி ஆகிய வங்கிகளின் 72 கிளைகளில், இ - செக்' முறை அமலுக்கு வந்துள்ளது.விரைவில், மும்பை மற்றும் சென்னையில், இந்த புதிய முறையை அமல்படுத்த ரிசர்வ் வங்கி முடிவு செய்துள்ளது.

நாடு முழுவதும் இந்த இ - செக்' முறை அமல்படுத்தப்பட்டால், அதிகம் பேருக்கு பலன் கிடைக்கும். காசோலை கிளியர்' ஆவதற்கு தாமதம் ஆவதும் குறையும்; வாடிக்கையாளர்களுக்கும் நேர, பணம் இழப்பு ஏற்படாது' என்று வங்கி அதிகாரிகள் கூறினர்.

தின மலர் ஈபேப்பர் 06-02-2008

நல்ல சேதி3, 05-05-2008

2008-02-05T21:35:00.001+05:30

காரைக்குடி: காரைக்குடியில் உள்ள செட்டி நாடு பங்களாக்களை புதுப்பிக்க அவற்றை யுனஸ்கோ நிறுவனம் தத்தெடுத்துள்ளது.

சிவகங்கை மாவட்டம், செட்டி நாடு, கானாடு காத்தான், காரைக்குடி உள்ளிட்ட பல இடங்களில் அந்தக் காலத்தில் கட்டப்பட்ட சுமார் 90 க்கும் மேற்பட்ட மாபெரும் மாளிகைகள் உள்ளன.

செட்டி நாட்டு கலாச்சாரம், பாரம்பரியத்தைப் பிரதிபலிக்கும் வகையில் இவை உள்ளன. கடல் போல பரந்து விரிந்து கிடக்கும் இந்த மாளிகைகள் இன்று கவனிப்பாரின்றி, பராமரிப்பின்றி பொலிவிழந்து கிடக்கின்றன. பல வீடுகள், சேதம் அடைந்துள்ளன, சேதமடைந்து வருகின்றன.

இந்த பங்களாக்கள் குறித்த ஆய்வில், அண்ணா பல்கலைக்கழக மாணவர்கள் ஈடுபட்டுள்ளனர். இந்த நிலையில், இவற்றின் தொன்மையை அறிந்த யுனஸ்கோ நிறுவனம் அந்த பங்களாக்களை பழைய அழகு குறையாமல் புதுப்பிக்க தத்தெடுத்துள்ளது.

இது குறித்து மாணவர்கள் தரப்பில் கூறுகையில், 2007 ம் ஆண்டு கானாடுகாத்தான் உள்பட சுமார் 100 பாரம்பரியம் மிக்க நகரங்களை யுனஸ்கோ தேர்வு செய்துள்ளது.

இந்த பங்களாக்கள் குறித்த ஆராய்ச்சி முடிவுகளை யுனஸ்கோ அமைப்பினரிடம் வழங்க உள்ளதாக தெரிவித்தனர்.

http://thatstamil.oneindia.in/news/2008/02/02/tn-unesco-to-protect-chettinad-buildings.html

நல்ல சேதி2, 05-02-2008

2008-02-05T21:34:00.000+05:30

கோவில் இடிப்பு: மன்னிப்பு கேட்கும் மலேசியா!
கோலாலம்பூர்: மலேசியாவின் கிளாங் நகரில் உள்ள இந்துக் கோவிலை இடித்தது தவறு. அதற்காக இந்துக்களிடம் மன்னிப்பு கேட்பதாக மலேசிய துணைப் பிரதமர் நஜீப் துன் ரஸ்ஸாக் கூறியுள்ளார்.

மலேசியாவில், ஆளுங்கூட்டணி மீது தமிழர்கள் கடும் அதிருப்தியுடன் உள்ளனர். இந்த அதிருப்தியின் விளைவு, வருகிற பொதுத் தேர்தலில் எதிரொலிக்கக் கூடும் என்ற பயத்தில் ஆளுங்கூட்டணி உள்ளது. இதனால் தமிழர்களை சமாதானப்படுத்தும் வகையில் பல்வேறு நடவடிக்கைகளில் இறங்கியுள்ளது.

இதில் ஒரு பகுதியாக கிளாங்கில் உள்ள பழம்பெரும் இந்து கோவில் இடிக்கப்பட்டதற்கு மலேசிய துணைப் பிரதமர் ரஸ்ஸாக் மன்னிப்பு கேட்டுள்ளார்.

இதுகுறித்து அவர் கூறுகையில், கிளாங்கில் உள்ள கோவில் இடிக்கப்பட்டது, அதிலும் தீபாவளிக்கு முன்பு இடிக்கப்பட்டது தவறு என்பதை உணர்ந்துள்ளோம். அதற்காக மன்னிப்பு கோருகிறோம். இனிமேல் இதுபோன்ற சம்பவம் நடக்காது என்றார் அவர்.

மலேசியாவில் முஸ்லிம்கள் அதிகமாக வாழும் இடங்களில் சுமார் 24 ஆயிரம் இந்து கோயில்கள் உள்ளதாக கூறப்படுகிறது. ஆங்கிலேயர் ஆட்சிக்காலத்தில் இந்தக் கோவில்கள் கட்டப்பட்டன என்பது குறிப்பிடத்தக்கது.
http://www.aol.in/tamil/news/2008/02/04/world-malaysia-expresses-regret-for-demolishing.html

நல்ல சேதி-1 05-02-2008

2008-02-05T17:36:00.000+05:30

இந்தியாவில் புதிய கண்டுபிடிப்புகள் அதிக அளவில் இருந்தாலும் அவற்றின் பேடன்ட் உரிமை பதிவு செய்யவோ அல்லது அதை வெற்றிகரமாக சந்தைப்படுத்தவோ முடியாத நிலை ஏற்பட்டுள்லது.
அசாம் மாநில முகமது உசேன் பழைய டயர் மற்றும் மூங்கிலைக்கொண்டு குறைந்த செலவில் காற்றாலையை வடிவமைத்து உள்ளார். கஷ்மீர் முஸ்டாக் அகமது தார் மரங்களில் வேகமாக ஏற கருவி கண்டு பிடித்தார். கையில் எடுத்துச்செல்லக்கூடிய இந்த கருவியை பயன்படுத்தி 50 அடி உயரத்தை 5 நிமிஷத்தில் ஏறிவிடலாம். ஆனால் இதை யாரிடம் சொல்வது என்று தெரியவில்லை. தமிழக முருகானந்தம் மினி சானிட்டரி நாப்கின் தயாரிக்க கருவி கண்டுபிடித்தார். இதன் மூலம் தயாரிக்கும் நாப்கின் விலை ஒரு ரூபாய் மட்டுமே.
இப்படி ஏராளமான திறமை இருந்தும் பயனாகாத நிலையை தடுக்க தடைகள் பேடன்ட் பதிவு செய்ய தெரியாததும் முடியாததும் நிதி ஆதாரம் திரட்ட முடியாததும்தான்.
இந்தியாவில் 2002 இல் 9000 விண்ணப்பங்கள் பேடன்ட் பதிவுக்கு வந்தன. அதே சமயம் சீனாவில் 80,000. அமேரிக்காவில் ஒரு கோடிக்கும் அதிகம்.

ஐ.ஐ.எம்.ஏ பேராசிரியர் அனில் குப்தா கூறியதாவது:
அந்த குறையை போக ஒரு அமைப்பு உருவாகி உள்ளது. கண்டு பிடிப்புகள் முறைப்படி பதிவு செய்யப்படும். நிதி மற்றும் தொழில்நுட்ப உதவியும் தரப்படும். இத்தகைய மையங்கள் 200 க்கும் மேற்பட்ட மாவட்டங்களில் துவக்கப்பட்டுள்ளது.
தொடுப்பு: http://www.nif.org.in/

தினமலர் 05-02-2008 புதுவை பதிப்பு பக்கம் 4

நல்ல சேதி-2 , 03-02-2008

2008-02-03T14:36:00.000+05:30

சென்னையில் சென்ற சனிக்கிழமை "லிவ் எனேபில் 08” என்ற சிறப்பு வேலை வாய்ப்பு நிகழ்ச்சி எம்சிசி பள்ளியில் நடந்தது. கண் பார்வையிலும் உடல் ரீதியாகவும் திறன் குறைந்த 350 பேர் வந்திருந்தார்கள். 120 பேர் பேட்டிகளில் இறுதிச்சுற்றை அடைந்தனர். பல வங்கிகளும் கால் சேவை மையங்களும் வேலை வாய்ப்பை வழங்கின.

டெக்கான் கிரானிகிள் 03-02-2008 பக்கம் 5

நல்ல சேதி 03-02-2008

2008-02-03T14:33:00.000+05:30

லியோ பியால்கோ; வயது 92. மாகுலர் டீஜெனரேஷன் ஆல் பார்வை குறைவு ஏற்பட்டு வலது கண்ணில் ஓரப்பார்வை மட்டும் உள்ளது. இடது கண் பார்வை இல்லை. 60 வருடங்களாக கால்ப் ஆடுகிறார். ஒவ்வொரு வியாழக்கிழமையும் 70 வயதுக்கு மேற்பட்ட சகாக்களுடன் கால்ப் ஆடப்போய் விடுவார். அமேரிக்காவில் ப்ளாரிடா, க்ளியர்வாட்டர், கோவ் கே கன்ட்ரி கிளப்பில் ஜனவரி 4 ஆம் தேதி ஆடும்போது ஒரே அடியில் பந்தை 110 கஜம் தூரத்தில் உள்ள குழியில் வீழ்த்தினார்! (இது தேர்ந்த கால்ப் வீரர்கள் கூட அரிதாகவே செய்வது!) சக வீரர் கெரிங்க் அதைப்பற்றி கூறும்போது " அவர் அதற்கு அலட்டிக்கொள்ளவே இல்லை. அவர் மனைவியிடம் சொல்லக்கூட நாங்கள் தூண்டி விட வேண்டி இருந்தது" என்றார். கிளாப்பில் நன்பர்கள் அவருக்கு பரிசு அளித்து கௌரவித்தனர்.
டெக்கான் கிரானிகிள் 03-02-2008 பக்கம் 12

நல்ல சேதி-3 31 ஜனவரி

2008-02-01T13:53:00.000+05:30

தினமலர் 31 ஜனவரி கடலூர் இணைப்பு பக்கம்1
செங்கால் ஓடை பிரச்சினையில் விவசாயிகளுக்கு விடிவுக்காலம்!

கடலூர் மாவட்டத்தில் வீராணம் ஏரிக்கு நீர் வரும் செங்கால் ஓடை 30 இலட்சம் செலவில் தூர் வாரப்பட்டு வருகிறது. இது பல ஆண்டுகளாக தூர் வாரப்படாமல் இருந்தது. 2005 இல் கொஞ்சம் தூர் வாரப்பட்டு ஆக்கிரமிப்பு பிரச்சினைகளால் நின்று போனது.
மழைக்காலங்களில் அரியலூர் மாவட்டம் ஜெயங்கொண்டம், ஸ்ரீமுஷ்ணம், பாளையங்கோட்டை கள்ளாத்தூர், செந்துறை உட்பட பல பகுதிகளில் பெய்யும் மழை நீர் இந்த ஓடை வழியே தான் ஏரிக்கு வரும். தூர் வாரப்படாமல் இந்த நீர் சித்தமல்லி அகரபுத்தூர், பா.புத்தூர், கருணாகர நல்லூர் ஆகிய கிராமங்களில் புகுந்து விளை பயிர்களை நாசம் செய்தது.
இப்போது ராஷ்ட்ரீய சம்விகாஸ் யோஜனா திட்டத்தில் ஆக்கிரமிப்புகள் அகற்றப்பட்டு தூர்வாரும் பணி துவங்கி

நடைபெற்று வருகிறது.

சுமார் 20,000 ஏக்கர் நிலம் வெள்ள அபாயத்தில் இருந்து காப்பாற்றப்படும் என்று தெரிகிறது.

நல்லசேதி 30-01-2008

2008-02-01T13:41:00.000+05:30

பத்தாயிரம் கிராமங்கள் இஸ்ரோவினால் விண்வெளி நுட்பத்துக்கு போகின்றன:

டெக்கான் க்ரானிகிள் ஜனவரி 30, 2008

இந்திய விண்வெளி ஆராய்ச்சி மையம் 4000 கிராம ப்ளாக்குகளில் கிராம வள மையங்கள் (விஆர்சி) அமைப்பதில் வேகமாக ஈடுபட்டு வருகிறது. இந்த 5 ஆண்டு திட்டத்துக்குள் 10, 000 அமைக்கப்பட்டுவிடும். மற்றபடி அணுக இயலாத கிராமங்கள் இதனால் தொடர்ப்புக்கு வந்து விடும். செய்திகள், வேளான் சேவைகள், தொலைதூர மருத்துவம், படிப்பறிவு நடவடிக்கைகள் ஆகியன இதனால் சாத்தியப்படும்.
இப்போது ஏறத்தாழ 30,000 மெய்நிகர் வகுப்பறைகள் உள்ளன. 2 லட்சம் குழந்தைகள் பயன்பெறுகின்றன. இதை 3 கோடி கிராம குழந்தைகளுக்கும் கிடைக்கும்படி செய்வதே இத்திட்டத்தின் ஒரு நோக்கம். தமிழ்நாட்டில் திருவையாறு, செம்பட்டி, தங்கச்சிமடம் ஆகிய இடங்களில் இந்த மையங்கள் வானிலை, நீர்வள மேலாண்மை, இயற்கை விவசாயம், மீன்பிடிக்க தகுந்த இடங்கள் அறிதல் ஆகிய சேவைகளை அளித்து வருகின்றன.
இவை இஸ்ரோ தலைவர் மாதவன் நாயர் மற்றும் விஆர்சி திட்ட அமைப்பாளர் டாக்டர் ஹெக்டே அவர்களால் டெக்கான் க்ரானிகிள்- இக்கு பேட்டி ஒன்றில் சொல்லப்பட்டது.

நல்ல சேதி 31-01-2008

2008-01-31T12:29:00.000+05:30

தினமலர்- புதுவை 31

டிசிஎம் ஸ்ரீராம் கன்சாலிடேடட் நிறுவனம் ஏற்படுத்திய கிராம பசுமைப்புரட்சி ஹார்வேர்ட் பல்கலையின் பாடமாக மாறியுள்ளது.

இந்த நிறுவனம் 1930 களில் விவசாயத்தில் பெரும் ஆர்வம் காட்டியது. குறிப்பாக கரும்பு. 1966 இல் உர உற்பத்தி. 1997 இல் ஸ்ரீராம் க்ருஷி விகாஸ் கைட்ஸ் என்ற திட்டம் துவக்கப்பட்டது. இதன் படி சில்லரை விற்பனை நிலையங்கள் அமைக்கப்பட்டன. விவசாயத்துறை நிபுணர்கள் அந்த பகுதிக்கு அமைக்கப்பட்டனர். இவர்கள் எல்லா விவசாய பிரச்சினைகளிலும் உதவினர்.

இதைத்தொடர்ந்து மகசூல் அதிகரித்தது. விளை பொருட்களும் நியாயமான விலையில் கிடைத்தன. விவசாயிகளின் இலாபமும் அதிகரித்தது.

கடந்த ஆண்டு உலக வங்கி கூட்டத்தில் இத்திட்டத்தைப்பற்றி அறிந்த ஹார்வேர்ட் பல்கலை பேராசிரியர் ஒரு குழுவுடன் நேராக இந்தியா வந்து ஆராய்ந்து பின் இதை ஒரு பாடமாக ஆக்கியுள்ளார்.

நல்ல சேதி 31 ஜனவரி 2008

2008-01-31T11:47:00.000+05:30

விவசாயிகளுக்கு உதவ ஹை டெக் பரிசோதனை நிலையம் சென்னையில் துவக்கப் பட்டுள்ளது. காஞ்சி, திருவள்ளூர் மாவட்டத்தில் உள்ள ஆயிரக்கணக்கான விவசாயிகள் பயனடைய உள்ளனர். புத்தம்புது தொழில் நுட்பத்துடன் நேஷனல் அக்ரோ பவுண்டேஷன் (என்ஏஎஃப்) துவங்கியுள்ள பரிசோதனை நிலையம் திசு வளர்ப்பு நாற்றுகளை வழங்க உள்ளது. இது வருடம் 20 லட்சம் நாற்றுகளை உற்பத்தி செய்யும். விவசாயிகளின் வருமானம் அதிகரிக்க வாய்ப்பு அதிகம் உள்ளது.

டெக்கான் க்ரானிகிள்

நல்ல சேதி2, 29-01-2008

2008-01-30T12:42:00.000+05:30

ஆந்திர நடிகர் டாக்டர் ராஜசேகர் சமீபத்தில் நிருபர்களிடம் பேசும்போது ஒரு கருத்து தெரிவித்தார். சமீபத்தில் அரசியலில் குதித்த நடிகர் சிரஞ்சீவிக்கு "அனுபவம் போதாது" என்றும் "அவர் கட்சி துவக்கினாலும் நான் அதில் சேர மாட்டேன்" என்றும் கூறினார். இதனால் ஆத்திரமடைந்த "சிரஞ்சீவியின் ரசிகர்கள்" சிலர், ராஜசேகர் தன் குடும்பத்துடன் ரயில் நிலையத்திலிருந்து காரில் வீட்டுக்கு திரும்பும் போது உருட்டுக்கட்டை போன்ற ஆயுதங்களால் தாக்கினர். காயமடைந்த ராஜசேகர் குடும்பத்தினர் மருத்துவ மனையில் அனுமதிக்கப்பட்டு சிகித்சை பெற்றனர்.

நல்ல சேதி இங்குதான் வருகிறது.

இதை கேள்விப்பட்டு சிரஞ்சீவி ராஜசேகரின் வீட்டுக்குச் சென்று நலம் விசாரித்தார். பின்னர் வெளியே வரும்போது நிருபர்களிடையே பேசும்போது "துரதிஷ்டவசமான இந்த சம்பவத்துக்கு நான் மன்னிப்பு கேட்டுக்கொள்கிறேன். இப்படி ஒரு சம்பவம் நடந்திருக்கக்கூடாது. எவருக்கும் தங்கள் உணர்வுகளை வெளிப்படுத்த முழு உரிமை ஜனநாயகத்தில் உண்டு. இந்த செயலில் யார் ஈடு பட்டிருந்தாலும் வன்மையாக கண்டிக்கிறேன்" என்றார்.
இது ஒரு செட் அப் இல்லை என்றே நம்புவோம்!

தினமலர் புதுவை 29-01-2008 பக்கம் 9

நல்ல சேதி1 29-01-2008

2008-01-30T12:40:00.000+05:30

பிரிட்டனில் கேரள உணவு வகைகள் பெரிதும் பிரபலமடைந்து வருகின்றன. பக்கிம்காம் அரண்மனைக்கு அருகில் உள்ள கொல்லம் என்ற உணவகத்துக்கு சர்வ தேச விருது கிடைத்துள்ளது. டாவோசில் நடந்த சர்வ தேச பொருளாதார கூட்டமைப்பில் பங்கேற்றவர்களுக்கு இந்த உணவு விடுதியின் உணவு பரிமாறப்பட்டது. இதன் தலைமை அதிகாரி அயலூர் ஷ்ரிராம் நேரடியாக இதை மேற்பார்வையிட்டார். அப்போதுதான் அந்த செய்தி வந்தது. சர்வ தேச அளவில் பெரிதும் கௌரமாகக்கருதப்படும் "தி மிச்செலின் கைடு டொ தெ கிரேட் பிரிட்டன் அண்டு அயர்லாந்து - 2008” என்ற விருது கொல்லம் விடுதிக்கு கிடைத்துள்ளது. தாஜ் குழுமம் இதை நடத்தி வந்தாலும் ஷ்ரிராம்தான் முழுக்க முழுக்க கவனித்துக்கொள்கிறார். இஙிலாந்து செல்லும் பாலிவுட் நக்ஷத்திரங்கள் விரும்பி சாப்பிடும் இடம் இதுவாகும். ஏற்கெனவே இந்த விருது பெல்கிரேயாவில் உள்ள, மைபேரில் உள்ள தமரிந்த், வினீத் பாட்டியா ரசோய் ஆகிய உணவு விடுதிகளுக்கும் கிடைத்துள்ளது.

-தினமலர் புதுவை 29-01-2008 பக்கம் 16

மற்றவர் பங்களிப்பு

2008-01-24T17:16:00.000+05:30

25-8-2006 இல் பஞ்சாபில் பல பிஹாரி தொழிலாளிகள் கட்டாய அடையாள அட்டை மற்றும் உழைக்க பெர்மிட் ஆகியவற்றை எதிர்த்து போராட, லூதியானாவில் போலீஸுடன் கைகலப்பு ஏற்பட்டு பலர் காயமுற்றனர். நிதிஷ் உடனடியாக பஞ்சாபில் அப்போது முதல் மந்திரியாக இருந்த அமரிந்தர் சிங் உடனும் உள்துறை இலாகா மந்திரி சிவராஜ் பாடிலுடனும் பேசினார். பிஹார் எம் எல் ஏக்கள் 3 பேர் அடங்கிய குழு உடனடியாக லூதியானாவுக்கு அனுப்பப்பட்டது. அவர்கள் உள்துறை மற்றும் போலீஸ் அதிகாரிகளுடன் பேசினார்கள். வேலை பெர்மிட் உத்தரவு இரத்து செய்யப்பட்டது. பிரச்சினை எவ்வளவு விரைவாக தீர்க்கப்பட்டது எனில் நாட்டில் இது முதல் பக்க பத்திரிகை செய்தியாகக்கூட ஆகவில்லை. எப்படி உடனடி தெளிவான முடிவுகளை தலைமை எடுப்பதால் மோசமான விளைவுகள் தடுக்கப்படலாம் என்பதற்கு இது ஒரு உதாரணம்.

பஞ்சாமிர்தம் என்ற குழு மடலில் இருந்து.

நல்ல தொடுப்பு

2008-01-24T09:16:00.001+05:30

இந்தக் கால இளைஞர் சமூகத்திற்கு எதையாவது வித்தியாசமாகச் செய்யாவிட்டால் தூக்கமே வராது போலிருக்கிறது. சதா அனுதினமும் எதாவதொரு தேடலுடன்தான் தங்களுடைய வாழ்க்கையை நகர்த்திக் கொண்டிருக்கிறார்கள். பணம் பண்ணுவது என்று மட்டும் இவர்கள் தங்களுடைய வாழ்க்கையைக் குறுக்கிக் கொள்வதில்லை. கைக்காசைச் செலவழித்தாவது தங்களுடைய தேடலை நோக்கி நகர்ந்து கொண்டிருக்கிறார்கள்.

வயது 35 நெருங்கினாலும் பாலாஜி இன்னும் இளைஞராகவே வலம் வருகிறார். இவருடைய சாதனைகளும் யாரும் தொட்டிராத தளத்தில் இளமையாகவே வலம் வருகின்றன.

யார் இந்த பாலாஜி? 'ஜி' என்று அனைவராலும் மதிப்புடன் அழைக்கப்படும் ஓவியர் மற்றும் ஓவியத் துறை சார்ந்த பல்துறை வித்தகர். திண்டுக்கல்லைப் பூர்வீகமாகக் கொண்ட பாலாஜி என்னும் 'ஜி' தற்போது TVS நிறுவனத்தில் பணிபுரிகிறார்.

நாம் அன்றாடம் பயன்படுத்திவிட்டு உபயோகமில்லை எனக் கருதித் தூக்கி எறியும் கோழியிறகு, களிமண், துணி, பஞ்சு, சாக்பீஸ் துண்டுகள், குட்டைப் பென்சில்கள், மரக்கிளைகள் போன்ற கழிவுப் பொருட்களிலிருந்து கலைப் பொருட்களை உருவாக்குகிறார்...........

மேலும் படிக்க http://www.aaraamthinai.com/samugam/oorvalam/Jan08/01oorvalam405.asp

நல்ல சேதி-2- 22-1-2008

2008-01-22T17:27:00.000+05:30

சிறகு பவுண்டேஷன் இன் 'இணைந்து நாம் 99' விழா. இந்தியாவை மாற்ற கலாம் காட்டினார் புதிய வழி:
இளைஞர்கள் தொழில் முனைவதற்கு ஏற்படுத்தப்பட்டுள்ள சிறகு பவுண்டேஷன் இன் 'இணைந்து நாம் 99' திட்டத்தை துவக்கி வைத்து பேசினார் கலாம்.
"பொறுப்பான, வெளிப்படையான ஊழலற்ற ஆட்சி முறை நிர்வாகம் அமைந்த நாடாக இந்தியாவை மாற்றுவோம் என்றார் கலாம்.....என் வாழ்க்கையை குறும்படமாக எடுத்துள்ளனர். மற்றவர் என்னை உதாரணமாக கொள்ள வேண்டும் என்று நான் விரும்பவில்லை. ஆனாலும் ஒரு சில ஆத்மாக்களாவது உத்வேகம் பெறக்கூடும்; ஆன்மீகம் உணர்ந்த நிறைந்த வாழ்க்கையில் தான் முழு திருப்தி காண இயலும் என்ற சம நிலைக்கு வரக்கூடும் என நான் நம்புகிறேன்....மன எழுச்சி அடைந்த 54 கோடி இளைஞர்கள் இந்தியாவின் மிகப்பெரிய சொத்து. நாட்டின் சவால்களை சமாளிக்க நமது இளைய தலைமுறையினர் எழுச்சி பெற வேன்டும். கல்வி நிறுவனங்கள் மாணவர்களின் ஆராயும் மற்றும் சிந்திக்கும் திறனை வளர்க்க வேண்டும்.

சிறகு பவுண்டேஷன் இன் திட்டத்தின் கீழ் 99 இளைஞர்கள் தேர்ந்தெடுக்கப்பட்டு பயிற்சி தரப்படும். சர்வ தேச தரத்தில் இந்தியாவிலிருந்தும் மற்றும் உலகளாவிய நிறுவங்களுடன் ஒப்பந்தம் செய்து கொள்ளப்பட்டு இது நிறைவேற்றப்படும்..... தேவையான செய்முறை பயிற்சி அருகில் உள்ள பொறியியல் கல்லூரிகளின் மூலம் அளிக்க வேண்டும்...”

மேலும் தகவல்களுக்கு தினமலர் 22-1-2008 புதுவை பக்கம் 5

நல்ல சேதி-1- 22-1-2008

2008-01-22T17:23:00.000+05:30

கழுத்தில் தாலி; கையில் பாட புத்தகம்.
அனைவருக்கும் கல்வி திட்டத்தின் கீழ் கஸ்தூரிபா காந்தி பாலிகா வித்யாலயா என்ற கல்வி திட்டத்தை கர்நாடக அரசு அறிமுகப் படுத்தியது. ஆதி திராவிடர், பிற்படுத்தப்பட்டோர் மற்றும் சிறுபான்மையினர்களில் கல்வி அறிவு இல்லாத பெண் குழந்தைகள் குறித்து வீடு வீடாக ஆய்வு நடத்தப்பட்டது. அவர்கள் நிலைக்கு ஏற்ப 6, 7 அல்லது 8 ஆம் வகுப்புகளில் சேர்க்கப்பட்டனர். மொத்தம் 5,600 பேர். அவர்களில் 64 பேர் திருமணம் ஆனவர்கள் என தெரிய வந்தது. இவர்களுக்கு கல்வி அறிவு தருவதைப்பற்றி மட்டும் கவனம் செலுத்தப்படும்; அவர்கள் மண விஷயத்தை ஆலோசிக்கப்போவதில்லை; அது அவர்கள் படிப்பை பாதிக்கலாம் என தெரிவிக்கப்பட்டது.

தினமலர் 22-1-2008 புதுவை பக்கம்2

நல்ல சேதி 15-1-2008

2008-01-15T11:09:00.000+05:30

ஆயுதங்களை உதறிய பயங்கரவாதிகள் உள்ளூர் வளர்ச்சிக்கு பாடுபடுகிறார்கள்.

அசாமில் ஆயுதங்களை துக்கி எறிந்துவிட்டு அமைதி வழிக்கு திரும்பியுள்ள போடோ பயங்கரவாதிகள் தங்கள் பகுதிகளுக்கான வளர்ச்சி திட்டங்களை அரசு- தனியார் துறை உதவியுடன் செயல்படுத்தி வருகிறார்கள்.
ஒரு காலத்தில் அசாமையே பயங்கரவாதத்தால் கிடுகிடுக்க வைத்தவர்கள் 2003 இல் அரசுடன் நடத்திய பேச்சு வார்த்தையின் அடிப்படையில் ஆயுதங்களை விட்ட பின் அதில் இருந்த பலர் தற்போது தன்னாட்சி அதிகார்ம பெற்ற போடோலாண்ட் பிராந்திய கவுன்சிலின் (பி.டி.சி.) உறுப்பினர்களாக உள்ளனர். இந்த நிர்வாகத்தின் கீழ் உள்ள பல பகுதிகளில் பள்ளிகள், மின்சார வசதி, தொழிற்சாலைகள் போன்ற வசதிகள் இல்லை. ஆகவே இதற்காக தனியார் துறையுடன் கை கோர்த்து அரசு- தனியார் முதலீட்டில் திட்டங்களை செயல்படுத்த ஈடுபட்டுள்ளனர்.....
மேலும் விரிவான செய்தியை தினமலர் 15-1-2008, 9 ஆம் பக்கத்தில் காண்க

நல்ல சேதி 10-1-2008

2008-01-10T10:31:00.000+05:30

டில்லி மெட்ரோ ரயில் திட்டத்துக்கு ஐ.நா கவுரவம் தினமலர் பக்கம் 4 10-1-2008

இது ஐ நா வின் பசுமை பாதுகாப்பு பட்டியலில் இடம் பெற்று உள்ளது.
சுற்றுச்சூழலை பாதிக்காமல் பசுமை பாதுகாப்புக்கு பெரிதும் உதவும் திட்டங்கள் பட்டியலை ஐ நா தயாரித்துள்ளது. அதில் டில்லி மெட்ரோ ரயில் திட்டம் முன்னணி இடத்தை பிடித்துள்ளது. மெட்ரோ ரயிலின் தொழில்நுட்பங்கள் சிறப்பாக உள்ளதால் கரியமில வாயு கட்டுப்படுத்தப்படுகிறது. ஒவ்வொரு முறை பிரேக் போடும்போதும் கரியமில வாயு அதிகமாக வெளியாவாதை தடுக்க டில்லி மெட்ரோ ரயில்களில் ரீஜெனரேட்டிங் டெக்னாலஜி பயன்படுகிறது. இத்தைகைய திட்டங்களுக்கு ஐநா ஊக்கம் தருகிறது. இந்த வகையில் மெட்ரோ ஆண்டுக்கு ஒன்றரை கோடி ரூபாய் வெகுமதியை பெருகிறது.
---------------------
ப்ரேக் போடும்போது கரியமில வாயு அதிகம் வெளிப்படுகிறதா? அப்படித்தான் செய்தி. ஆனால் ப்ரேக் போடும்போது மின்சாரம் உற்பத்தி ஆகிறது என்றே நினைக்கிறேன்.

நல்ல சேதி 9-1-2008

2008-01-10T10:29:00.000+05:30

தினமலர் பக்கம் 8, தேதி 9-1-2008 சொல்கிறார்கள்

சென்னை பல்கலையில் புவி அமைப்பியல் முதுகலை படித்து ஸ்காட்லாந்து நாட்டில் வேலை கிடைத்திருக்கும்
ஜீவன்:
நகைக்கடையில் வேலை பார்க்கும் அப்பா. தனியார் கம்பனியில் அண்ணன் என சாதாரண குடும்பம். கிராம நகராட்சி பள்ளிகளில் படித்தார். சுனாமி தாக்குதலுக்குப்பின் இந்திய கடலோரங்களில் ஏற்பட்ட மாறுதல்களை ஆராய்ச்சி செய்த குழுவில் வேலை பார்த்தார். அப்போது புவி அமைப்பு சம்பந்தமான பல விஷயங்களை "பிராக்டிகலாக" தெரிந்து கொண்டார். இவர் ஜியாலஜி படித்தபோது பலர் கிண்டல் செய்தார்கள்- வேலை எங்கே கிடைக்கப்போகிறது என்று. ஆனாலும் சோர்ந்து போகாமல் படித்து பட்டம் பெற்றார். இபோது ஸ்காட்லாந்து நாட்டில் கடலில் எண்ணை வளம் கிடைக்கிறதா என ஆய்வு செய்யும் வேலை கிடைத்துள்ளது.

நல்ல சேதி 8-1-2008

2008-01-08T20:47:00.000+05:30

மூட்டு மாற்று அறுவை சிகித்சை -சாதனை படைக்கிறது இந்தியா (தினமலர் 8-1-2008 புதுவை பதிப்பு பத்தாம் பக்கம்)
சுருக்கம்: இந்தியாவில் இப்போது ஆண்டுக்கு 50.000 மூட்டு மற்றும் இடுப்பு எலும்பு மாற்று அறுவை சிகித்சை செய்யப்படுகிறது. செலவு செய்யும் வசதியும் மக்களிடையே அதிகரித்து வருகிறது. மேலும் மற்ற நாடுகளை விட திறமை வாய்ந்த அறுவை சிகித்சை நிபுணர்கள் இங்கு அதிகம் உள்ளனர். கட்டணமும் மற்ற நாடுகளை விட குறைவு. ஆகவே வெளி நாட்டினரும் இங்கு வந்து சிகித்சை பெற ஆர்வம் காட்டுகின்றனர். வரும் ஆண்டுகளில் இந்த போக்கு இன்னும் அதிகரிக்கும் என எதிர்பார்க்கப்படுகிறது.

இன்றைய நல்ல சேதி 7 ஜனவரி 2008

2008-01-07T21:39:00.000+05:30

சொந்த கிராமத்தின் தாகத்தை தீர்க்க அமெரிக்காவில் வேலை செய்யும் சிறுவன்.
என ஆரம்பிக்கும் செய்தி (தினமலர்-பாண்டிச்சேரி பதிப்பு- ஜனவரி 7, பக்கம் 12) மகாராஷ்ட்ர மாநில அகோலா மாவட்ட பாரஸ் கிராமத்தை சேர்ந்த ருஜுல், 13 வயது, இப்போது அமெரிக்காவில் நியூ ஜெர்ஸியில் படிக்கிறான். அவன் கிராமத்தில் கடும் தண்ணீர் பஞ்சம் உள்ளது. இதை தீர்க்க ஆழ்குழாய் கிணறு அமைக்க முடிவு செய்தான். மற்ற நண்பர்களுடன் ஆலோசித்து பகுதி நேர வேலை செய்து (கார் சுத்தம் செய்வது, ஐஸ்கிரீம், பிட்சா விற்பது) போன்ற வேலைகளை செய்து பணம் திரட்டி வருகிறான். . “தண்ணீருக்காக பெண்கள் பல மைல்கள் தலையில் பானையை சுமந்து சென்றதை பார்த்து இந்த பிரச்சினை பற்றிய சிந்தனை வந்தது. இந்த வேலையில் வெற்றி பெறும் வரை வேலைகளில் ஈடுபடுவேன்" என்கிறான் இவன்.

பிறர் சமர்ப்பணம்

2008-01-05T17:04:00.000+05:30

ஹெல்மெட் போடலையா கட்டு அபராதத்தை' னுதானே கேட்டிருக்கிறோம்...ஆனால்
குஜராத் மாநில போக்குவரத்து காவல்துறையினர் ஒரு நூதனமான முயற்சியில் ஈடுபட்டுள்ளனர்.......

31-12-2007

2008-01-04T21:23:00.000+05:30

டிசம்பர் 31.2007
பிரதமர் மன்மோகன் சிங் மூன்று வருடங்களாக "லீவு" எடுக்காமல் வேலை செய்து வருகிறார் என தினமலர் சொல்லுகிறது. மத்திய அரசு விடுமுறை தினங்களில் கூட அவர் உழைக்கிறார். இவரைப் போல எந்த பிரதமரும் நள்ளிரவு வரை பனியாற்றியது இல்லை என்றும் மேலும் தெரிவிக்கிறது.

இன்றைய நல்ல சேஇ இதுதான்

2008-01-04T20:35:00.000+05:30

இன்றைய நல்ல சேதி, கஷ்டப்பட்டு ஒரு வழியாக இந்த வலைப்பூவின் கட்டமைப்பை 90% சரி செய்துவிட்டேன் என்பதுதான்!
இனி தினசரி நல்ல சேதிகள் தொடரும்.

வலைப்பூக்களுக்கு புதுசுனா

2007-12-19T10:40:00.000+05:30

சரி எப்படியோ இங்க வந்துட்டீங்க. கொஞ்சம் தலைகால் புரியலே இல்ல?
ஏதேனும் படிக்கிறீங்க. அட, இது நல்லாயிருக்கேன்னு தோணுது. (சும்மா ஒரு பேச்சுக்குதான்!) அத பத்தி ஒரு விமர்சனம் எழுத தோணுது. (ஏண்டா உனக்கு வேற வேலை இல்லையா, ஐயா நான் பார்த்த வலைப்பூக்களிலேயே இதுதான் பிரமாதம்! இப்படி ஏதோ ஒண்ணு) என்ன செய்யறது?
நீங்க படிச்ச பத்தி கீழேயே காமென்ட்ஸ் அப்படி தெரியுது பாருங்க. அது மேலே சொடுக்கினா (அதாங்க மவுஸால கிளிக் பண்ணா) அடுத்து ஒரு பக்கம் வரும். மத்தவங்க திட்டினது பாராட்டினது எல்லாம் அங்க இருக்கும். அது பாட்டுக்கு வால் மாதிரி (க்கும்) போய்கிட்டே இருந்தாலும் கவலைபடாம வலது பக்கம் பாருங்க. அங்க ஒரு பெட்டி தெரியுதா? மேலே ஆங்கிலத்துல லீவ் யுவர் காமென்ட்ஸ் அப்படி போட்டிருக்கே. அந்த பெட்டில உங்க விமர்சனத்தை உள்ளிடுங்க. தமிழ்ல எழுதறது நல்லது. அதுக்கு ரொம்ப கஷ்டப்பட வேணாம். முதல் பக்கமே தமிழில் தட்டச்சி பின்னூட்ட ன்னு ஒரு தொடுப்பு கொடுத்திருக்கேனே. அங்க போய் சுலபமா தமிழ்ல எழுதலாம். ammaa ன்னு அடிச்சா "அம்மா" வந்துடும். அப்புறம் அத பிரதி எடுத்து ஒட்ட... அதாங்க காபி பேஸ்ட் .. பண்ணிடலாம்.
மத்தபடி இடது பக்கம் முதல்ல என் இன்னொரு வலைப்பூக்கான தொடுப்பு, கீழே இந்த வலைப்பூல இருக்கற மத்த பதிவுகள் தலைப்புவாரியாக, ஏன் இந்த வலைப்பூ ங்கற ரகசியம், இன்னும் கீழ இதுவரை பதிவு செய்தன் எல்லாம் தேதிவாரியாக, அப்புறம் அடியேனின் சிறு விவரம். அவ்வளவுதாங்க. இதுவரைக்கும் படிச்சதுக்கு நன்றி!

நல்ல தொடுப்பு

2007-12-18T21:08:00.000+05:30

http://tinyurl.com/34u7q7பு
வலைப்பக்கம் ஆங்கிலத்தில். உற்சாகம் தரும் சில நிகழ்வுகள்.

இந்த வலைப்பூக்கு சமர்ப்பிக்க விதிகள்

2007-12-17T17:17:00.000+05:30

எல்லா செய்திகளுக்கும் ஒரு அத்தாட்சி வேண்டும். தினசரி மற்ற ஊடகங்களானால் வலை தொடுப்பு இருப்பின் சமர்ப்பிக்கவும். அல்லது "தினமலர் 12-1-2007 தேதி நெல்லை பதிப்பு" போன்ற தகவல் இருக்க வேண்டும். சமர்ப்பிக்கும் செய்தி உண்மையானது என உறுதி கூற வேண்டும்.
தரப்படும் தகவல் தணிக்கைக்கு உட்பட்டது. தணிக்கைக்கு சம்மதம் இல்லையானால் சமர்ப்பிக்காதீர்கள்.
தணிக்கைக்கு காரணம் தரப்பட மாட்டாது.
தரப்படும் தகவல்கள் அனைத்தும் வெளியிடப்படும் என்று உறுதி ஏதும் இல்லை. இதற்கு காரணமும் தரப்பட மாட்டாது.
வெளிட்ட தகவல் தவறு என தெரிய வந்தால் அது நீக்கப்படும்.
வெளியிட உங்கள் புனை பெயர்களை தரலாம், ஆனால் உண்மை பெயரும் தரப்பட வேண்டும்.
இந்த சமர்ப்பிப்போர் பெயர் தேவையிருந்தால் மட்டுமே வெளியிடப்படும்.

இந்தியா ஒளிர்கிறது!

2007-12-17T16:44:00.000+05:30

இந்த தலைப்பு நிறைய பேருக்கு பிடிக்காதது என்று தெரியும். ஆகவே முதலில் இது எந்த கட்சியை சார்ந்தும் இல்லை என்று சொல்லி விடுகிறேன்.

நமக்கு இரண்டு தேர்வுகள் உள்ளன.
துரியோதனன் போல கெட்டதையே பார்க்கலாம்.
அல்லது தருமன் போல நல்லதையே பார்க்கலாம்.
அல்லது எதார்த்தமாக பார்க்கலாம்.

ஊடகங்கள் வியாபாரமாக இயங்க மக்களின் மலினமான உணர்வுகளுக்கு தீனி போடுகின்றன. அப்போதுதானே நிறைய பேர் படிப்பார்கள்! அதனால் அவை தரும் செய்திகள் ஒரு மாதிரிதான் இருக்கும்.

எதார்த்தமாக பார்க்கும்போது நாம் பல விஷயங்களில் முன்னேறிக்கொண்டுதான் இருக்கிறோம். அவற்றுக்கு அரசாங்கங்கள் காரணம் என்று குறை சொல்ல முடியாது. முன்னேறம் மக்களால்தான் ஏற்படுகிறது. அரசுகள் ஒரு ஊக்கியாக மட்டுமே இருக்க முடியும். முன்னேற மக்களுக்கு முதலில் ஒரு தன்னம்பிக்கை தேவை. "ப்ளடி இன்டியா" என்று நினைக்கும்வரை நாம் முன்னேற முடியாது. அதற்குத்தான் இந்த தலைப்பு.

தப்பித்தவறி ஊடகங்களில் சில நல்ல விஷயங்கள் வந்து விடுகின்றன. இவை இந்தியாவின் ஏதோ ஒரு அங்கம் முன்னேறியதை காட்டும். அவற்றையும்தான் தெரிந்து கொள்ளலாமே!

--------------
வெளி நாடுகளில் இருந்து இந்தியா எல்லாவற்றையும் இறக்குமதி செய்த காலம் போயே போச்! திசம்பர் 12 ஆம் தேதியிட்ட செய்திகள் மஹீந்திரா ஸ்கார்ப்பியோ வண்டிக்கு வெளிநாடுகளில் நல்ல மார்க்கெட் இருக்கிறது என தெரிவிக்கின்றன. அமெரிக்காவில் 285 இடங்களில் அவை விற்கப்பட உள்ளன. 45,000 வண்டிகளுக்கு இப்போதே ஆர்டர்கள் உள்ளன.

நல்ல அனுபவம்!

2007-12-17T16:24:00.000+05:30

சில வருடங்களுக்கு முன் எனக்கு நிகழ்ந்தது.
என் மகனை சென்னையில் தனியாரிடம் கல்வி பயில சென்னை கொண்டு அமர்த்தினேன். ஒரு சிறு உறைவிடம் வாடகைக்கு எடுத்தோம். மாலை கடையில் பொருட்கள் வாங்கி அதிகம் பழகாத மகனுக்கு ஒரு அனுபவம் வருவதற்காக மயிலை குளத்தருகே கடை வீதி சென்றோம். காய்கறி வாங்க தெருவோரம் இருந்த ஒரு எளிய கிழவியிடம் சென்று அமர்ந்தோம். பெரிசா விலை பேசி வாங்க தெரிந்தவன் போல "இது எவ்வளோ? அது எவ்வளோ" என்றெல்லாம் விசாரித்தோம். கடைசியில் தேவையான அளவு காய்கறி எடுத்துக்கொடுத்து "எடை போட்டு கொடுமா" என்றோம். (எவ்வளவு வேண்டும் என்று எடையில் சொல்லத் தெரியாதே!) சரி எவ்வளவு ஆச்சு? என்றோம். அதற்குள் மனசில் கணக்கு போட்டு 15 ரூபாய் வந்தது என்று தெரிந்து விட்டது. "பதினஞ்சு ரூபா சாமி." 20 ரூபாய் நோட்டு ஒன்றை நீட்டினோம். கிழவி மீதியாக 8 ரூபாய் கொடுத்தாள். ஓ கணக்கு தெரியவில்லையோ? எப்படிமா என்று ஆரம்பிக்க கிழவி சிரித்துக்கொண்டே "இது போதும் சாமி!" என்றாள்!
கணக்கு தெரிந்துதான் இருக்கிறது. எப்படியும் பேரம் பேசுவார்கள் என்று விலையை சற்று உயர்த்தி சொன்னாள். பேரம் பேசவில்லை என்று தெரிந்ததும் அவள் மனதில் நிர்ணயித்து இருந்த விலை மட்டும் எடுத்துக் கொண்டாள். கூடுதலாக கிடைக்க இருந்த பணத்தை ஏற்க தயாராக இல்லை.
ஏழ்மையிலும் செம்மை!

இன்றைய நல்ல சேதி 12-12-2007

2007-12-13T15:45:00.000+05:30

மிலிட்டிரி அகடமி தேர்வில் சாதித்த "டப்பா பாய்" என்று தலைப்பிட்டு தின மலர் (தேதி 12-12-2007புதுவை பதிப்பு) தன் 9ஆம் பக்கதில் தரும் செய்தி: மகாராஷ்ட்ர மாநிலத்தில் புனே நகரில் வாழும் பூபால் வசந்த வாக், 18 வயது; பள்ளியில் எல்லா ஆண்டுகளும் முதல் ரேங்க். குடும்பமோ ஏழ்மையில்; அதனால் பள்ளி இறுதி தேர்வில் நல்ல மதிப்பெண் வாங்கியும் மேற்கொண்டு படிக்க முடியவில்லை. பக்கத்தில் ஒரு கம்பனியில் வேலைக்கு சேர்ந்து கூடவே மருத்துவ இஞ்சினீரிங் கல்லூரிகளில் படிக்கும் மாணவர்களுக்கு மதிய உணவு டிபன் பெட்டிகளை கொண்டு தரும் வேலையையும் செய்து வந்தார்.
இருந்தாலும் ராணுவத்தில் சேர்ந்து பெரிய அதிகாரியாக வர வேண்டும் என்ற கனவில் உழைத்து டேராடூன் "இந்திய மிலிட்டிரி அகடமி" நடத்திய தேர்வு எழுதி வெற்றி பெற்றது மட்டும் இல்லாமல் அதிக மதிப்பெண் பெற்று சாதித்தார். உள்ளூர் மக்கள் கூடி மாலை அணிவித்து வாழ்த்தினர்.